آنا جوانۀ عمرون دچار خار اولدی #فاطمیه_غفاری_زنجانی

حالات حضرت زهرا سلام الله علیها
..
..
غفاری زنجانی
..
..
آنا جوانۀ عمرون دچار خار اولدی
اسوبدی باد خزان سولدی تار مار اولدی
..
حیات گلشنوه صرصر خزان اسدی
سارالدی گل داغیلوب بلبل اشکبار اولدی
..
چمن پوزولدی سنوب شاخه غنچه دوشدی یره
بو غملی منظره دن باغبان فکار اولدی
..
همای عصمتی صیادلر شکار ایلدی
سنوبدی شهپری غم بوته سیندی زار اولدی
..
من آغلارام باشما قاره سالدی دست فلک
ایشقلی گون منه مانند لیل تار اولدی
..
نه تز جوان ننه سن روزگاریدن دویدون
طیور عمرون اجل تیرینه شکار اولدی
..
هزار حیف قضا سالدی تز کمنده سنی
بو فاجعه آنا اسلامه ناگوار اولدی
..
بالالارون الى قوینوندا قالدی گوز یاشلی
آنا غمینده ئورک داغلی سوگوار اولدی
..
ایوین بیوک قیزیام بحر غمده غرقم آنا
بو غم اسیری قیزون ایندی خانه دار اولدی
..
یو نصف شبده بیزی ترک ایدوب هارا گیدوسن
بو گیتمه گونده منه محشر آشکار اولدی
..
گیجه بیزیله قالوب قبر ایوینه گوندوز گیت
اگر چه چوخ سنه بو دهردن فشار اولدی
..
روا دگل گیده یدی نفرله تابوتین
پیمبرین قیزی مظلوم روزگار اولدی
..
روا دگل گیده دنیا عزیزی قبره گیجه
ندن رضا بو ایشه چرخ کج مدار اولدی
..
روا دگل گیجه گزلجنه دفن اولا ملکه
بو ماجراده منیم محنتیم هزار اولدی
..
..
..
سنون کیمی آناجان قبره کیم عزالی گیدوب
ئورکده درد محن سینه سی یارالی گیدوب
..
..
..
#فاطمیه #غفاری_زنجانی #فاطمیه_شهادت #ترکی #زبدةالاشعار