آنا زینبون حالی یاماندی سنسیز یانار آغلار #فاطمیه_زلفی_تبریزی

زبانحال حضرت زینب (س) در شهادت مادر
..
..
#سبک
..
..
زلفی تبریزی
..
..
آنا زینبون حالی یاماندی…سنسیز یانار آغلار
ایشی روز و شب آه و فغاندی…غم قلبینی داغلار
..
کیمه دردیمی فاش ایدیم آخر…قیلسون منه چاره
داخی یوخدی گمان سنه مادر…اولدوم گونی قاره
..
یانارام قلبین…سیخلان یرده
کاش ئولیدیم سن…یخلان یرده
..
آنا یا زهرا
..
..
..
..
..
آنا چخماز ئولونجه یادیمدان…مجروحیدی سینن
نئچه گوندی نهان ایلمیشدون…اول یاره نی مندن
..
اریمیشدی باخوردوم او جسمه…غملر اثرینده
ساتاشاندا گوزوم سنه گوردوم…قان وار کفنینده
..
یانارام قلبین…سیخلان یرده
کاش ئولیدیم سن…یخلان یرده
..
آنا یا زهرا
..
..
..
..
..
آناسی ئولنین یوزی گولمز…بو رسم جهاندی
نئجه تاب ایدیم هجریوه مادر…دردین نه گراندی
..
ایلینده نظرده مجسم…بیر اللی قنوتین
یانارام آنا یاده سالاندا…تکفین و حنوتین
..
یانارام قلبین…سیخلان یرده
کاش ئولیدیم سن…یخلان یرده
..
آنا یا زهرا
..
..
..
#فاطمیه #زلفی_تبریزی #فاطمیه_شهادت #ترکی #زبدةالاشعار