حضرت زینب س در قتلگاه (سوال و جواب )
.
#زبدةالاشعار
.
: @nohe_torki
.
حجّت الاسلام رسولی تبریزی
.
آه اوساعتدن که محشر اولدی بر پا زینبه
قتلگهده تنگ و تاریک اولدی دنیا زینبه
.
گلدی قارداش باشی اوسته اول عزیز فاطمه
گوردی آز قالموش حسینین عُمری تاپسین خاتمه
.
گوردی تیغ تیز الینده گلدی شمر بی حیا
ایستیر که زینب مظلومی قارداشسیز قویا
.
باشلادی یالوارماقا شمر شریر ظالمه
سویلدی رحم ایتگلن ظالم بو یورقون حالمه
.
رحم ایله ظالم گل الدورمه منیم قارداشیمی
اولما راضی که توکم دائم یوزه گوز یاشیمی
.
ای ستم پیشه روا بیلمه که قارداشسیز قالیم
قویگلن قارداشیمین قول بوینونا بیرده سالیم
.
بیرجه مُهلت ویرگلیم تا گوزلرینی باغلییم
ناله و فریاد ایدیم قارداش دییم بیر آغلییم
.
آچدی قانلی گوزلرین بیر باخدی نالان زینبه
آتش غمده یانان حالی پریشان زینبه
.
سویلدی باجی دایانما تیز خیامه گیتگلن
قلبیمی یاندیرما قانلی صحنه نی ترک ایتگلن
.
بی مروّت دور باجی یالوارما بیجا دشمنه
قاتلیم بی رحمدور رحم ایلمز هرگز سنه
.
گیت خیامه اهلبیت عصمتی ییغ باشیوه
خیمگهده آغلا بو مظلوم اُولن قارداشیوه
.
آغلا آلچقدان باجی دشمن شماتت ایلوری
سس اوجاتما سرزنش اهل عداوت ایلوری
.
مندن ال اوز که سنه من بیرده قارداش اولمارام
بو یارالار که ویروبلار باجی اوللم قالمارام
.
جواب
.
عرض ایلدی خیامه پریشان نجه گیدیم
جانیم یارالی جانیوه قربان نجه گیدیم
.
قارداش یارالی خسته وعریان قویوم سنی
توپراقلار اوسته قانیوه غلطان نجه گیدیم
.
شمرشریر قویموری بیر توشه اخذ ایدم
قلبی یانقلی دیده سی گریان نجه گیدیم
.
دشمن گوزیوی باغلاماقا ویرمیری امان
آغلار گوزیله سینه سی سوزان نجه گیدیم
.
دشمنلرایستییر که سنی تشنه اولدوره
اوخلار یاغیر چو بارش باران نجه گیدیم
.
آخر نجه قویوم سنی جلاد الینده من
لب تشنه خسته زارو پریشان نجه گیدیم
.
آخر نه نوع ترک الییم گون ایوینده بو
قارداشیمی بو وضعیله عطشان نجه گیدیم
.
اوخلارچاتوبدی باش باشا جسمینده وای منه
قاتل الینده خنجر بُرّان نجه گیدیم
.
قارداش بو قانلی معرکه ده ترک ایدیم سنی
من زار و دلشکسته و نالان نجه گیدیم
.
بو حالیده نه نوعیله من سندن آیرولوم
ای فاطمه عزیزی هراسان نجه گیدیم
.
قرآن کیمی ورق ورق الموش بو پیکری
ای حامی شریعت و قرآن نجه گیدیم
.
اخر کیمه شکایت ایدیم شمر شومیدن
یوخدور بو چولده بیر جه مسلمان نجه گیدیم
.
بو دشت کربلاده عجب سولدی گللریم
اولدی خزان پوزولدی گلستان نجه گیدیم
.
نه اکبریم قالیبدی نه عباس و قاسمیم
وحشت فزادی چوخ بو بیابان نجه گیدیم
.
اهل وعیالوین یانینا نه یوزیله من
قارداش قانیله اللری الوان نجه گیدیم
.
زینب دلیجه بیرده ( رسولی) بو بیتی یاز
جانیم یارالی جانیوه قربان نجه گیدیم
.
.
#کوچ_کربلا_رسولی_تبریزی
#آه_او_ساعتدن_که_محشر_اولدی_بر_پا_زینبه
#عرض_ایلدی_خیامه_پریشان_نجه_گیدیم
#ترکی
.
#زبدةالاشعار
.
: @nohe_torki
متن های پیشنهادی برای شما
اوجا قامت دن اوجا همّته قربان عباس #عباسیه_هدایت_تبریزی
مدح حضرت ابوالفضل العباس علیه السلام . #زبدةالاشعار . : @nohe_torki . هدایتی تبریزی . اوجا قامت دن اوجا همّته قربان عباس همّته، معرفته، هئیبته قربان عباس . زادۀ شیر خدا، پنجه قوی، شیر ژیان پنجه، بازو، دل پر قوّتهبیشتر
اى جلوۀ جلال مرایاسى یاعلى #حیدریه_قمری
در مدح جناب حضرت على (ع) . . مرحوم قمری . . اى جلوۀ جلال مرایاسى یاعلى انوار ذوالجلال مجلاسى یاعلى . نور وجودى بدو عوالمده ما خلق عالم وجود بزم تولاسى یا على . کنز العلوم سر خداوند ذوالجلال دین ملکنون زمانه ده داراسى یابیشتر
بیله گئتمه شتابان اماندور آنام اوغلی #وداع_خادم_تبریزی
وداع حضرت امام حسین (ع) . #زبدةالاشعار . : @nohe_torki . #سبک_علی_جان_بالا_لبیک مشابه . مرحوم احمد پورعطا (خادم تبریزی) . بیله گئتمه شتابان اماندور آنام اوغلی منیم جدّیمه خاطر دایان دور آنام اوغلی . . دایان دورهبیشتر
امر ایدوب سجّاده خلّاقِ قدیر #دفن_شهدا #قاسمیان_مارالانی
دفن شهدا . . #زبدةالاشعار . : @nohe_torki . مرحوم حاج علی اکبر قاسمیان (مارالانی) . . امر ایدوب سجّاده خلّاقِ قدیر ای اولان ظاهرده اشراره اسیر . واردی بوینوندا اگر چه سلسله کربلایه گیت حسینی دفن ایله . ایتدیلهبیشتر
عزای شاه شهیدانه قالدی بیر نچه گون #ورود_محرم_کریم_نصیری
ورود محرم . زبدة الاشعار ?: @nohe_torki . کریم نصیری مرندی . عزای شاه شهیدانه قالدی بیر نچه گون بو عالم اولسون عزاخانه قالدی بیرنچه گون . قرا علملر اسوب شوره عالمی گتوره غبار غم یاغا هریانه قالدی بیرنچه گون بیشتر
سندن آیرلماخ علی صغرایه چوخ مشگل گلور #کهنمویی
خروج از مدینه زبانحال حضرت صغری (س) . زبدة الاشعار . : @nohe_torki . مرحوم سیّد حسین #کهنمویی . سندن آیرلماخ علی صغرایه چوخ مشگل گلور رسمدور گل فرقتونده نالیه بلبل گلور . . خوش گلوب لطف ایتموسن ای نوجوان دلپسندبیشتر
نظر دهید