شهادت حضرت علی اکبر علیه السلام
.
✍️ #زبدةالاشعار ✍️
.
🆔: @nohe_torki
.
مرحوم غمناک تبریزی
.
قلجلاندی چو میداندا علیّ اکبرون باشی
یاریلدی تازه دن گویا ولیّ داورون باشی
.
یتیشدی بیرستم گسترباشندان بیرقلج ویردی
قلج دگدی باشندان چکدی دعوادن الین دوردی
اوضربت حضرت پیغمبرون قلبینی سندیردی
آچوب باشین قالوب عمامه سیز پیغمبرون باشی
.
دگوب یاره علی اکبرون باشینه ظاهرده
ایدوب تأثیر قلب حضرت زهرایه آخرده
دیدی جان ای اوغول سینسیزعلی اولسون بوخاطرده
که اولدی قاره معجرلی بتول اطهرون باشی
.
آخوب باشیندان القانی گیدوبدور طاقت وصبری
اولوبدورکعبۀ مقصوده زایر اولماقا فکری
عقابین خیمییه دوندردی دلده یا حسین ذکری
دیردی کل بابا آخرویروب یوز غملرون باشی
.
باشی اوستونده دورموب قویدی باش زین عقاب اوسته
دوزولدی قانی مرجان تک او زلف مُشکناب اوسته
بساط غم قورولدی شورش اولدی نه حجاب اوسته
قاریشدی ماتمه جبریل حیّ داورون باشی
.
اوزی لب تشنه گون ایسّی اولوبدور دل کباب اولدم
بدن قان تر ایچینده قان آخوب اولدی اورک برهم
یوزین ترباسدی گل اوسته دوزولدی گوئیا شبنم
گوروبدور گل یوزین خاره یتوب بلبلرون باشی
.
او دم دورموشدی بیرعورت باخوب اول هایله هویه
ساتاشدی گوزلری بیرزخمدارآهوی مَه رویه
گلوب دوتدی عقابیندن دیدی گلمه تک و پویه
خزان اولموش یاراندان غنچه عنچه گل لرون باشی
.
گوزون هیچ آچموسان آلقان دوتوبدورگوزلرون از بس
آچاندا گوز ندندی خیمه سمتینه بارخارسان سن
دیدی قلبیمی یاندیردون واریمدوربیرآنام بیکس
قالوبدورغم دیزنده لیلی بی یاورون باشی
.
دیدی غم ایتمه لیلایه سنی ایمدی یتوررم من
دی آیا وارآناندان غیریسی یا اینکه بیکس سن
دیدی واربیرباجوم ایمدی ایدرمندن اوتورشیون
دلینده آدیم ازبردور دِیَر هرسوزلرون باشی
.
بوسوزده بیرلعین یعقوب آدلی تا نظر ایتدی
دیدی من بو جوانی قویمارام گتسون الیم یتدی
چکوب خنجرعلی اکبرون قلبین نشان ایتدی
پیمبردن خجالت چکمیوب کافرلرون باشی
.
ویروب خنجرعلی اکبرون قلبین ایدوب پاره
کسیلدی چاره سی آتدان یره دوشدی او مه پاره
باخاردی خیمیه گویا باباسی ایلسون چاره
دیدی گل ای بابا یاندی او قلب انورون باشی
.
اَسوب باد ستم ناره گلون ظلمیله سولدوردی
منی محوایتمگه جامین اجل ساقی سی دولدوردی
آدی یعقوب اولان بودشتده بیریوسف اولدوردی
خریداری اولوب قاتل الینده خنجرون باشی
.
بابا گل پیرکنعان تک ایشون فریا وآه ایله
توکوب بوگوزیاشون کرب وبلانی مثل چاه ایله
دوشوبدوریوسفون زندان هجره بیر نگاه ایله
اولوب سرگرم غم (غمناک) زاره مضطرون باشی
.
.
#اکبریه_غمناک_تبریزی
#اکبریه_شهادت
#قلجلاندی_چو_میداندا_علی_اکبرون_باشی
#ترکی
.
✍️ #زبدةالاشعار ✍️
.
🆔: @nohe_torki
نظر دهید