زبدةالاشعار

آه و فغان جسارت قوم لئامدن #ورود_شام_حزین_خسروشاهی

ورود شام
.
.
مرحوم حیدر خسروشاهی ( #حزین )
.
.
آه و فغان جسارت قوم لئامدن
فریاد گردش فلک نیلفامدن
.
یا فاطمه اؤزون نظر ائت آز قالور دوشه
دل تابدن بو واقعه ده دیل كلامدن
.
سوز بیر مقامده دایانوب اولماسا نظر
عاجزدی خامه یازماقا سوز بومقامدن
.
واردور یری دیسم گوروب اوضاع محشری
اولاد مصطفی جریانات شامدن
.
داخل اولاندا شامه عیال شه انام
مملویدی مسیرلری خاص و عامدن
.
وارد اولوبلا صبح زمانی او شهره لیک
گون باتمادا اولوبلا خلاص ازدحامدن
.
بیر صبح شامه تک نه لر اولدی او شهرده
آل علی نلر گوروب اول صبح و شامدن
.
شرح و بیانه دلده توان یوخ بو قدر وار
تار اولدی گوندوز اونلارا لیل ظلامدن
.
الله بولور نه چکدی بنی فاطمه اوگون
جور و جفای ملت بی ننگ و نامدن
.
گه طعن ائدوب اسیرلره گه گولردیلر
گه داش آتاردیلار گھی اود کوی و بامدن
.
راوی دیر او حاله باخوردوم کناردن
حیرتده صبر عترت خیرالانامدن
.
قلبیم یانوردی لیک ائدنموردوم آشکار
بیر کیمسیه اورکده کی سوز ضُرامدن
.
زنجیر ظلمه سید سجاد باغلانوب
فریاد و داد کینۀ قوم ظُلامدن
.
فکر ایلدیم امام گیوب قرمزی لباس
یاللعجب دیدیم بو امام همامدن
.
قارداشلاری، آتاسی ئولوب سینه داغلیدی
بیر ایله داغه یوخدی خبر التیامدن
.
اما یاخینلاشاندا نه گوردوم که آه آه
قاندور آخور وجود شریف امامدن
.
زنجیر یاره سیندن او قدری آخوردی قان
رنگین اولوب لباسی دم سرخ فامدن
.
ایلوردولر حیا نه پیمبردن اهل شام
قورخوردولار نه قهر حق لاینامدن
.
ایوای او ظلم لر که کسیک باشلارا اولور
دوشمور ندن بوگردش عالم نظامدن
.
اما بیر ایله ظلمله هر بیر یارالی باش
گون تک ایشیق سالور گینه خونین غمامدن
.
#ورود_شام #حزین_خسروشاهی
#آه_و_فغان_جسارت_قوم_لئامدن
#ترکی
#زبدةالاشعار

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...