دیر راهب
.
✍️ #زبدةالاشعار ✍️
🆔: @nohe_torki
.
#سبک_ای_ویرن_ویرانه_یرده
.
سید محسن رجایی (مجنون)
.
تا حسینون قانلی باشی دیر ترسایه یتیشدی
بانک ناقوس کلیسا عرش اعلایه یتیشدی
.
.
ناله ناقوسدن ائتدی تعجب پیر ترسا
ششدر حیرتده مات اولدی ندور بو شور و غوغا
فکر ائدوب چرخ چهارمدن نزول ایلوبدی عیسا
تا صدای شور و شیون گویده عیسایه یتیشدی
.
.
دیریدن خارج اولوبدور پیر روشندل او ساعت
گوردی بیر هنگامه دور وار ازدهام بی نهایت
نیزه ده باشلار ، خانملار بستۀ قید اسارت
کاروان اول حالتیله غملی مأوایه یتیشدی
.
.
گوردی راهب بیر کسوک باشدان گلور عشقین نسیمی
عطر زلفی زنده ایلور قبریده عظم رمیمی
ائتدی آکنده مشامین نوگل جنت شمیمی
سویلدی آیا دموندن دم مسیحایه یتیشدی؟
.
.
ذبح اولان حلقنده گوردی نکهت جان بخش گل وار
لاله تک امّا غمینده قان اولان نچّه گوگل وار
آیه بندر صورتینده حیف اولا آثار کول وار
آخدى بو غمدن سرشک چشمی سیمایه یتیشدی
.
.
ایلدی احساس او باشه وار محبّت سینه سینده
قالمیوب اوزگه محبّت سینۀ بی کینه سینده
تاپدی عیسانین جمالین قلبینین آئینه سینده
لطف حق باعث اولوب بو فیض عظمایه یتیشدی
.
.
عرض ائدوب یاندیم بو حاله کیمسن ای یالقوز یارالی
بیر کسوک باشین که اولماز بو قدر جاه و جلالی
ناقۀ عریاندا گزمز آردیجا باشسیز عیالی
سویله کیمسن ماجرا طرز معمّایه یتیشدی
.
.
ای غبار مقدمون چشم ملائک توتیاسی
بیر نگاهون دهرده هر درد بی درمان دواسی
نی کیمی باشون دالینجا قیزلارین شیون صداسی
پرده پرده اوج ایدوب عرش معلایه یتیشدی
.
.
گون هایاندان چیخدی بو دیر خراب آباده گلدون
شاهراه حقه آچدون نیزه دن بیر جاده گلدون
انتماقا حتمأ منی دین خقه ارشاده گلدون
گل عجب گلدون دلیم سنله تمنایه یتیشدی
.
.
ائتدیلر قسمت جمالون نورینی کل جهانه
سالدیلار بو نوری بی شک قلب هر پیر و جوانه
بخش ائدنده ذرّه ذرّه انجم هفت آسمانه
بی گمان بیر جلوه ده بو نوریدن آیه یتیشدی
.
.
ائتدی فرمایش اگرچه ظاهراً زار و ملولم
علت ایجاد هستی قرة العین رسولم
من حسینم زینت دین زیب آغوش بتولم
مقدمیمدن آبرو بو سطح غبرایه یتیشدی
.
.
صورتیم مطبخ سراده گل کیمی گرچه سارالدى
عشق شورانگیز جانان باشیمی غوغایه سالدى
من او شخصم که دمیمدن حضرت عیسا دم آلدی
طوریده نوریم تجلا ائتدی موسایه یتیشدی
.
.
ای گوزوم سوق وفا و مهرده سودایه بیر باخ
بخت اقبال جوان و پیر اولان ترسایه بیر باخ
سیر ایله بیع و شرانی قیمت و کالایه بیر باخ
مختصر وجهیله سوده گور نه سرمایه یتیشدی
.
.
ظاهراً آز درهمه بیر صورت معنانی آلدی
باطناً امّا کلید جنّت المأوانی آلدى
ائتدی بیر سودا رضای خاطر جانانی آلدی
صورت عشق حقیقی گور نه معنایه یتیشدی
.
.
حق یانیندا بیر نصارا گور نجه باشین اوجاتدی
عزت عقبانی دوتدی جیفه دنیانی آتدی
چوخلار اما دینینی آز درهم و دیناره ساتدی
ایله کی مکریله دور خوان یغمایه یتیشدی
.
.
بازدی رضوانی بو شعرین مطلعین وار مدعاسی
ایستوری بیر گون نصیب اولسون حسینون کربلاسی
سویله سین ای تربتون هر درد بی درمان دواسی
شکر اولا اللهه قطره گلدی دریایه یتیشدی
.
.
سعی ایله مجنون اوزاق دوشمه حقیقت جاده سیندن
عشق درسین مو به مو اورگش وفا دلداده سیندن
نوش ایدوب بیر جرعه هر کیمسه حسینون باده سیندن
بو ثرادن پایۀ شأنی ثریّایه یتیشدی
.
.
#دیر_راهب_رجایی_تبریزی
#تا_حسینون_قانلی_باشی_دیر_ترسایه_یتیشدی
#ترکی
.
✍️ #زبدةالاشعار ✍️
🆔: @nohe_torki
نظر دهید