آچیلدی چونکه جهاندا بساط قربانی #حسینیه_دخیل

امتحان انبیا و شهادت امام حسین (ع)
.
#زبدةالاشعار
.
: @nohe_torki
.
مرحوم دخیل
.
آچیلدی چونکه جهاندا بساط قربانی
بزندی خون شهادتله عشق میدانی
.
قدم بو دایریه قویدولار ارادتیله
مقربان خدا اولیای سبحانی
.
بیری عیالینی قربان ویروب بیری مالین
بیریسی چکدی بو بازاره گوهر جانی
.
قبول ایدوب بیری بوردا فراق محبوبی
که ترک ایلدی آدم وصال حوّانی
.
بیریسی ویردی هامی ماسوانی طوفانه
قالوب اونون آدی دیللرده آدم ثانی
.
بیریسی ایتدی بلا منجنیقنی منزل
گوروب بو دوره آرا رنج نار نورانی
.
بیریسی ذبح قویوب آدینی ولی ناقص
که قانی ایتمدی آلوده صحن صحرانی
.
بیریسی شغلین ایدوب آغلاماق صباح و مسا
که منزل ایلدی بیر عمر بیت الاحزانی
.
بیری تعیّش کنعانی ایلدی موقوف
وصال خانۀ یار ایتدی کنج زندانی
.
بیری کشاکش ارّه گوروب دیردی ولی
بودور تردّد اقدام یار روحانی
.
بیریسی جوهر قربانلقى بروزه ویروب
اودور که ذکر ایلدیم اوز آدیلا یحیانی
.
نه عمر کافی اولور نه قلم ایدور امضاء
مقام ذکره گتورسم اگر بلایانی
.
ولیک هیچ بیرینی ایتمیوبدی حق منظور
نه دور موسی عمران نه دار عیسانی
.
بو پیشگاهده نه مصطفی نون عزتی وار
نه ساخلیوبدی نظرده جفای زهرانی
.
نه پاره پاره جگر حضرت حسندی مراد
نه خون ضربت فرق علی عمرانی
.
ولی تمام بو قربانلقی ایدوبدی قبول
که کربلاده توکلسون یره حسین قانی
.
ایدوب قبول تمام انبیاء بلالرینی
گلوب حصوله حسیندن مراد ربّانی
.
شهید ایلدیلر کلّ انبیانی تمام
اودم که ظلمله ئولدوردیلر او مولانی
.
اوزی خلیل خدا منجنیقی نیزه باشی
یخلدیقی یری ایستی قوم اوستی اود کانی
.
ولی حسین اودی هم یرده هم جگرده گوروب
خلیل گوردی اود ایچره هوای مینانی
.
اوزیدی حضرت یعقوب یوسفی سجّاد
اولوب دمشقده زندانی شام ویرانی
.
اوزیدی اول زکریا که ارّۀ شمشیر
دگنده باشینه فریادی دوتدی دنیانی
.
اوزیدی حضرت یحیی ولیک فرقی بودور
کسیلدی باشی نه یحیی کیمی به آسانی
.
اونون باشی کسیلوب طشته گورمدی نیزه
بونون جداده باشی گزدی هر بیابانی
.
اودور شهید اولان جلد انبیاده تمام
اودور بلایه سالان موسی و مسیحانی
.
شهادت امرینه چوخلاری عهد ائدوب امّا
حسین یرینه یتوردی او عهد و پیمانی
.
سالوبلا اوزلرینی انبیاء بوشاهه دخیل
تاپوبدیلار که بو دردن مقام اعلانی
.
.
.
#حسینیه_دخیل
#حسینیه_شهادت  #عید_قربان
#آچیلدی_چونکه_جهاندا_بساط_قربانی
#ترکی
.
#زبدةالاشعار
.
: @nohe_torki