زبدةالاشعار

دوشوبدی باشیمه شوق لقای یار باجی #حقیر_خویی

وداع حضرت اباعبدالله الحسین علیه السلام
.
✍️ زبدة الاشعار ✍️

?: @nohe_torki
.
مرحوم میرزا عبدالوهاب حقیر خویی
.
دوشوبدی باشیمه شوق لقای یار باجی
آلوبدی وعدۀ وصل اختیار الدن باجی
.
دوام یوخدی بو دار فناده سابقدن
بیله مدارا ایلیوب جرخ کج مدار باجی
.
نه انبیایه ثبات اولدی دار دنیاده
نه اوصیایه بو دهر ایتدی اعتبار باجی
.
نه قالدی شیر خدایه نه قارداشیم حسنه
نه مصطفایه وفا ایتدی روزگار باجی
.
اجل سالوب باشیمه سایه یتدی آخره عمر
یتوب خزان تکنوب نوبت بهار باجی
.
گل ایمدی بر نجه کلمه وصیتیم واردور
ایشیت قبول ایله ای یار غمگسار باجی
.
ازل گونونده بلایه اوزوم بلی دمیشم
بلادن عاشق حق ایلمز فرار باجی
.
شهادت امرینه اوّلده ویرمیشم میثاق
که عشقه قتل قویوبلار ازل قرار باجی
.
گرک بو گون باشیمی شمره ایلیم تسلیم
دوروب بو یولدا نه مدّتدی انتظار باجی
.
اسیر اولماقه زنجیر عشقیله کمرون
کمال همّتیله باغلا استوار باجی
.
سِنان و شمره چو مندن صورا اسیر اولوسان
همیشه سن اوزیوه صبری قیل شعار باجی
.
مقام صبریده دور ویر گله قضایه رضا
سن اولما دایرۀ صبریدن کنار باجی
.
گلور ظهوره تاپار عشق رتبۀ عالی
گیدنده شامه عیالیم شتر سوار باجی
.
اسیر روم حبش تک دیار شامه گیدر
چکه لّه دایرۀ عشقه بیر قطار باجی
.
هرایکی نشاده قویماز ذلیل و خوار اولسون
«حقیر» نوکریمی لطف کردگار باجی
.
#وداع
#دوشوبدی_باشیمه_شوق_لقای_یار_باجی
#حقیر_خویی
#ترکی
.
✍️ #زبدةالاشعار ✍️

متن پیشنهادی:  گلون اشکیله یازاق یوزده رموز محنی #ورود_شام #انور_اردبیلی

?: @nohe_torki

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی