آچ گوزلریوی دردیمه قیل چاره علی جان #اکبریه_سیفی_اردبیلی

زبانحال أم لیلا بر سوگ علی اکبر (ع) دربالین فرزند
..
..
..
سیفی اردبیلی
..
..
..
آچ گوزلریوی دردیمه قیل چاره علی جان
لیلانی ایدوب محنتون آواره علی جان
..
..
..
اولمازدی مثل حسنوه بو دار فناده
سن رایحه لی بیر گولیدون باغ ولاده
ایندی نه روادور یاتاسان قانلی عباده
نفرین اولا بو فرقه ی اشراره علی جان
..
..
..
ایتمیشدی سنی خالق جان جدّیوه بنذر
طوباده اولانمازدی گوزل قدّیوه بنذر
یوخ دهریده نه خالیوه نه خدّیوه بنذر
مین یوسفی حسنون ایدر آواره علی جان
..
..
..
سنبل مثلی داس جفاده بیچلوبسن
رعنا بوی ایدون مثل شقایق کیچلوبسن
ای تازه جوان، کهنه عبایه بوکولوبسن
آه دل لیلا دولانوب ناره علی جان
..
..
..
اذنیم یوخیدی خیمه دن آردونجا قاچیدوم
دل دفتریمون غصّه لی اسرارین آچیدوم
سن نوش ایلین اوخلاری من قلبه ساچیدوم
دگمیدی سنون جسمیوه بیر یاره علی جان
..
..
..
بختیم اوجالان یرده فلک قوزادی بیر جنگ
پای اَملیم جادۀ حسرتده اولوب لنگ
سن بی پر اولوبسان بو گون ای مرغ شب آهنگ
منده سنون هجرونده گونی قاره علی جان
..
..
..
باجادی نفسدن اود آلا دامن سردیم
زحمتله بجردیم گلی هجران اودی دردیم
دل محنتینه آینه دور بو رُخ زردیم
جان دردینی سس سیز چکر اظهاره علی جان
..
..
..
ای اختر بختیم نه یامان اوجیدن آخدون
هجران اوزوگین شوقیله بارماقیوه تاخدون
آخر گوروشونده که منه قیقاجی باخدون
بیلدیم داخی جان دردیمه یوخ چاره علی جان
..
..
..
غم بندینه دوشمیدی علی کاش ایاقون
یانمیدی بو تزلیکده سنون شمع فراقون
ایکاش گوریدوم بَزَنوبدور طوى اوطاقون
خوش کام باخیدوم گل رخساره علی جان
..
..
..
دنیا یانا واردور یری بو آغلاماقیمدان
لاله کیمی چوللرده اورک داغلاماقیمدان
رخساریمه هی خون جگر باغلاماقیمدان
دردیم گتوروبدور منی گفتاره علی جان
..
..
..
گللر سارالاندا سنی من یادیمه سالّام
عشقوندن اوجالسام بالا دردونله قوجالّام
سنسیز بو فنا دهریده اکبر نجه قالّام
چوخ سخت اولی هجران دل و دلدار علی جان
..
..
..
#اکبریه #سیفی_اردبیلی #اکبریه_شهادت #ترکی #زبدةالاشعار