استمداد حضرت قمر بنی هاشم (ع)
..
..
حاج مجید اشکی تبریزی
..
..
گل ای آفتاب رحمت یت اؤزون هرایه قارداش
مه آل هاشمین سال باشی اوسته سایه قارداش
..
..
بو قرا بولودلار ایچره قمرون دوشوب محاقه
گون آیا حمایت ایلر گیدر آردیجا سُراقه
یتیشنده باشیم اوسته دورا بولمه سم ایاقه
بو قصوری مندن عفو ائت ایلمه گلایه قارداش
..
..
من عقابدن دوشنده یره زایل اولدی غم لر
گوزومه گوروندی زهرا او عزیزۀ پیمبر
آنا تک منه نه گوردوم ای اوغول خطاب ایلر
دیورم جسارتیله اودی گل هرایه قارداش
..
..
باشیم اوسته صون نفسده گله سن اوجالی باشیم
نجه گور روادی باشدان آتا بو خیالی باشیم
سوورم ایاقون آتدا کسیله یارالی باشیم
گل آماندی قوى یتوم من بیله مدّعایه قارداش
..
..
من او شاهباز عشقم که ال اؤزموشم پریمدن
داخی اوجه قدرتیم یوخ قان آخور بو شهپریمدن
گل عیادت ایله اوخدان پر آچان بو پیکریمدن
آقاسان غلامه لطغون یتور انتهایه قارداش
..
..
قسم اول وجود پاکه بو جهانه من گلندن
سنه عاشقم بولورسن آنامون سودون امندن
سنون عشقویله روحیم چخا ایستورم بدندن
بو بیوک متاعى آلدیم چوخ اوجوز بهایه قارداش
..
..
بولورم بو دمده سندن گرک ایلیم تمنّا
بو قَدَر هجوم محنت بیر ئوزون وحید و تنها
منه ده بو آرزودی که ئولن زماندا آقا
یوزیوی گوروب قویام یوز بیر او خاکپایه قارداش
..
..
بو فراتی أشقیادن من اَزَل یریشده آلدیم
سویی دولدوروب فَرَحله دولی مشگی دوشه سالدیم
یتورَنمَدیم خیامه سویی حسرتیله قالدیم
او قَدَر تلاشی بیر أوخ آپاروب فنایه قارداش
..
..
ایکی الدن اؤزدوم ال تا یتورم سویی خیامه
منه عکس مقصد اولدی یتیشنمدیم مرامه
منیم عُذریمی یتور سن او بنات تشنه کامه
هدف اولموشام خدنگ سپه پلایه قارداش
..
..
ایکی قوللاریمی گورسن سَرِ راهده دایانما
منی تا آپارمیوب قان ئوزوی یتور دایانما
دوت او رد قانی تئز گل چوخ اویان بویان دولانما
نظر ائت بو پیکریمدن بو آخان دِمایه قارداش
..
..
هله چوخلاری قباقه گله ایلمزله جرأت
أو قدر قاچوبلا از بس وار اورکلرینده وحشت
هله بو گروه دشمن سنه تاپمیوب جسارت
هله بی خبردی لشکر نه گلوب لوایه قارداش
..
..
دوشنه کیمی آت أوستن علمیم الیمده اسدی
ولی بیر شقی آت اوسته دایانوب یولومی کسدی
منه دیل یاراسی ووردی او یارا ئولونجه بسدی
دیدی یوخ الون آپاردی الینی هوایه قارداش
..
..
#عباسیه #اشکی_تبریزی #عباسیه_شهادت #ترکی #زبدةالاشعار
نظر دهید