آچ گوزون ای قانه غلطان پیرطاهرآچ گوزون #مصیبی_تبریزی

زبانحال امام در بالین حبیب ابن مظاهر (ع)
.
زبدة الاشعار

?: @nohe_torki
.
مصیبی تبریزی
.
آچ گوزون ای قانه غلطان پیرطاهرآچ گوزون
ای حبیب درگهیم یابن مظاهرآچ گوزون
.
.
شام عاشورا وئروبسن زینبه صبروقرار
دونسه ایندی زینبین گوزیاشی قانه حقی وار
شمع تک حب ولاده یانموسان پروانه وار
ای منای عشقیده وارسته زائرآچ گوزون
.
.
قانلی میداندا اولوبسان قانیوه غلطان حبیب
اکبرین قلبین ائدر درد فراقین قان حبیب
سن حسینه سس یتور تاسسلیوم من جان حبیب
اولمامیشدان خاتم الامره مجاورآچ گوزون
.
.
گلشنونده صرصرظلم عدو اولدی وزان
گل کیمی گلبرگ رخسارون سنون اولدی خزان
باشین اوسته سسلورم اکبر گلوب وئرسون اذان
ذکر قدقامتده ای پر کنده طائرآچ گوزون
.
.
دین یولونداجانیوی جانانه قربان ایله دون
جانیوی قربان حق و دین وقرآن ایله دون
خالصانه عشقیوی دنیایه اعلان ایله دون
کنز حزب اللهیده عالی جواهر آچ گوزون
.
.
قوی دیوم بیرگون بو صحرا منظرِ رضوان اولار
آلتی گوشه مرقدیم زینتده ده کیهان اولار
جسم پاکین آلتی گوشه قبریمه دربان اولار
ای قلم وصف کمالاتینده قاصرآچ گوزون
.
.
بیرقولاق وئرگورنه سوزلراکبرلیلادیور
مرکب اوستونده لب عطشان باغریقان سقا دیور
خیمه لرده تشنه لب قیزلارائدوب نجوادیور
سسلنوللر چوخدی بو چوللرده کافر؛آچ گوزون
.
.
بیرسینیق زورق دی ایندی آز قالور دوشسون گله
ساحل امن و حمایت دن آچوبدورفاصله
دور ابوالفضلیله باهم زورقی چک ساحله
سن سن عباسیله کشتیبان ماهرآچ گوزون
.
.
ای حبیبیم بیله گونده عهده ایفاایله دون
عشقیوی سبط رسول اللهه معناایله دون
سن شهادتنامه وی بوچولده امضاایله دون
شیرمیدان بلا فخر مفاخر آچ گوزون
.
.
مایه عز و وقار هاشمی سن سن حبیب
قان ائدن گوزدن آخان گوزیاشیمی سن سن حبیب
عرشه واللهی اوجالدان باشیمی سن سن حبیب
قادرآلله دور بو احساساته ناظرآچ گوزون
.
.
قانه غلطان جسمیوی قان ایچره لنگرایله دون
پهنه میدانیده غوغای محشرایله دون
عاقبت بوپیکری قربان اکبرایله دون
کربلادن باغ رضوانه مسافرآچ گوزون
.
.
بیرمصیب واردی بحرمعصیت ده غوطه ور
روزوشب فوج گناه وسیئاتیندان ملر
کربلا صحراسینین آلسا براتین دینجلر
تا گلوب اوردا دئسون ای پیرطاهرآچ گوزون
.
#سبک_زینبم_جان_اوستیم (بیش از 4 سبک)
پخش‌کننده صوت

?: @nohe_torki