آینه ی یار علیدور علی #حیدریه_بهزاد_قاسمی

در مدح حضرت امیرالمؤمنین علی(ع)
#گریز به شهادت
.
.
.
بهزاد قاسمی
.
.
.
آینه ی یار علیدور علی
قبله ی احرار علیدور علی
عشقه خریدار علیدور علی
فاتح پیکار علیدور علی
حیدر کرّار علیدور علی
.
.
.
شمس حقیقت، قمر عرش هو
پاک نسب، پاک صفت، پاک خو
شاه عرب، اهل ادب، راستگو
عشق علمین سیندیرا بیلمز عدو
چونکه علمدار علیدور علی
.
.
.
آینه دور حضرت دادارینه
یوسف اولوب مشتری بازارینه
عشق قونار قوش کیمی دیوارینه
حک اولونوب کعبه نون استارینه
کعبه ی سیّار علیدور علی
.
.
.
ای بشر اوت ویرما دل اقدسه
ساتما شقایقلری خار و خسه
قویما عقابین آدینی کرکسه
سرور و سالار دئمه هر کسه
سرور و سالار علیدور علی
.
.
.
عارف اولان شخص، شرفدن دییر
اگنینه احرام شهادت گییر
معرفتین دوز چورگیندن یئیر
میثم تمّار کیمین سسلیر
حقّه طرفدار علیدور علی
.
.
.
حضرت احمد او رسول کبیر
امّتینه سویله دی روز غدیر
بعدِ من اسلامه علیدور امیر
فکروز اگر وار آتاسوز خصمه تیر
ایندی کماندار علیدور علی
.
.
.
کیمدی علی مفخر آل خلیل
کیمدی علی دولت عشقه کفیل
گوزلری زمزمدی، لبی سلسبیل
ئوز قانادی اوسته یازوب جبرئیل
محرم اسرار علیدور علی
.
.
.
شورِ علی شعریمی ایلر صریح
وصف علی نطقیمی ایلر فصیح
مدح علی لحنیمی ایلر ملیح
داره چیخان وقته جناب مسیح
سسلدی سردار علیدور علی
.
.
.
روح، سلیم اولسا گزر حوریلن
حبّ علی گلمز اله زوریلن
کیم اونا عاشقدی یاشار شوریلن
گللرین اوسته یازیلوب نوریلن
زینت گلزار علیدور علی
.
.
.
معرفت اولسا اورک ایثار ائدر
چوبه ی عشقی ئوزونه دار ائدر
پاک دمین، همدم عطّار ائدر
بو سوزی غیرت ئوزی اقرار ائدر
غیرته معیار علیدور علی
.
.
.
حیف فلک بیر بئله شخصیّتین
سلب ائله دی کوفه ده امنیّتین
آلدی نماز اوسته اونون طاقتین
قانه بویاندیردی گوزل صورتین
گوردوله گلنار علیدور علی
.
.
.
تیتره دی گوی، دوشدی یره همهمه
قاره چکیلدی گینه ده عالمه
باتدی مه عشق هلال غمه
عالم معناده دئدی فاطمه
بو یارالی یار علیدور علی
.
.
.
دوشدی نفسدن، نفس پنج تن
باش یاریلوب گئتدی رمقدن بدن
آلدی او باشی دیزی اوسته حسن
یوز دوتوب عرشه دئدی بو جان وئرن
ای حق قهّار علیدور علی
.
.
.
جان جهاندور ولی جاندان دوشوب
آغزی باتوب قانه بیاندان دوشوب
قلبی سینوب چشم زماندان دوشوب
یاره لیدور تاب و تواندان دوشوب
باخ بو دل افکار علیدور علی
.
.
.
رنگی سولوبدور، توکور اشک تَرین
گرد بلا دوره لیوب پیکرین
قالخیزا بیلمور گویه دای اللرین
قان بورییوبدور نگران گوزلرین
دیده سی خونبار علیدور علی
.
.
.
#حیدریه_مدح #حیدریه
#حیدریه_شهادت
#آینه_یار_علیدور_علی
#بهزاد_قاسمی
#ترکی
#زبدةالاشعار