ورود به کوفه و شجاعت وشهامت شیر زن کربلا زینب کبری سلام الله علیها
.
.
.
محمد وهابزاده(عیّار اردبیلی)
.
.
ئولدیردیلر حسینی سما دوشدی وحشته
خطّ سیه چکیلدی اودم معنویته
.
.
دفن ائتدی کوفیلر اوگون اشرار و ارذلی
باشسیز ستاره لر یاتیشوب یوخ کفن ولی
معبر اولوب کوچن لره اول قتلگه یولی
ایجاده گلدی محشر دیگر فضایه باخ
زینب چاتاندا کوفیه اعظم جفایه باخ
.
.
کوفه دئدیم نه کوفه کی لجّاره گاه اولوب
نامردلر بناسیدی کفّاره گاه اولوب
تا وار زمانه آدی روسیاه اولوب
بیر گون بو شهر زینبه عالی پناهیدی
احرار عالمه دییه سن قبله گاهیدی
.
.
بیر گون بو شهریده علی و ذوالفقاریدی
زینب جلال و حشمته مطلق سواریدی
ایل و تبار هاشمیان تاجداریدی
افسوس اولا پوزولدی اولان شان و شوکتی
تالان اولوب داغیلمیش اونون قدر و قدرتی
.
.
چرخ فلک دونوبدی مینوب قاره محمله
زنجیره باغلی قلبی دولوب طعن و نسگیله
کشتی شکسته دور که دوشوب بحریدن گِله
بیلمم ندندی ئولمدی زینب اودم خدا
بیجا دگول دیولّه اونا صبره ناخدا
.
.
صبحین زمانی چاتدیلا دروازۀ غمه
اهل عراق جشن دوتوب بی مقدمه
دروازه تا آچیلدی دوشوب شور و همهمه
حیدر قیزی خدا نئجه گور نسگیله دولوب
یوللاردا پاسبانی بونون حرمله اولوب
.
.
پیشواز الده دف چالینور جاره ویردیلار
آئینه بند اولان کوچه بازاره دولدیلار
الوان گیوبله یکسره نقاره چالدیلار
زینب گلوبدی جانب حقدن مقام آلا
یرده قالان بدنلره بیر انتقام آلا
.
.
امر اولدی خارجیلری زنجیره چکدیلر
بیر دسته آهوانیدی نخجیره گتدیلر
هانسی گناه و جرمیده تکفیر ائدوبدیلر
تا خارجی آدین ائشیدوب زینب آغلادی
رمزیله نیزه اوسته حسین کهفی باشلادی
.
.
بعضی لجاجت اوسته اودم سس صدا سالوب
قرآن تلاوتینده حسین کودتا سالوب
ارکان کوفیه کسیلن باش بلا سالوب
قهر علی ئورکده اولان باشی داشلادی
سیندی جداده ماه او دم اولدوز آغلادی
.
.
طاقت تالاندی زینب ائله شورشه گلوب
رگلرده حیدرانه قانی جوششه گلوب
لبیک سسلدی ئورگی سوزشه گلوب
نئچّه قدم گئدوب دالی خیزش ائدوب بئله
مافوق قدرتیله باشین چالدی محمله
.
.
باش یارماقین سسین ائشیدن وحشته دوشوب
محراب کوفه ده علی بیر ضربته دوشوب
حب الحسینه باخ که رگ غیرته دوشوب
باش یارماقیلا سنت برتر بنا ائدوب
باخ عشقه زینبی نئجه غرق بلا ائدوب
.
.
#کوفه
#ئولدیردیلر_حسینی_سما_دوشدی_وحشته
#محمد_وهابزاده
#ترکی
نظر دهید