قبر گمشده – شاهد زنده بمظلومیت حضرت فاطمه زهرا علیها السلام
#گریز به #قتلگاه و #غارت_خیام
.
زبدة الاشعار
.
: @nohe_torki
.
مرحوم حسینی سعدی زمان
.
#سبک_سو_یوخومدی_قزلاروندان … 5 سبک
.
ئولورم غم فراقه ، اولورام دچار عم اوغلی
گل اوتور ایدوم وصیت ، من دلفکار عم اوغلی
.
.
منه ایتمه قبر تعیین قوی اولا مزاریم ایتگین
گلر اون بیریمجی اوغلوم ایدر آشکار عم اوغلی
.
.
دگولم رضا اولار که منی سالدی اضطراره
بُله لر نه یردی مدفن من زار و دلفکاره
گئجه غسل ویر گئجیله کفن ایله قوی مزاره
که بُلونمسین بتوله هارادور مزار عم اوغلی
.
.
آتام ایلینده رحلت سنه ایلدی وصیّت
دیدی تیغ چکمه وورسا قیزیمی وفاسیز امّت
گلی صاحبی بو تیغین یتر اول زمان او ساعت
آلار انتقام عدودن دم ذوالفقار عم اوغلی
.
.
رخ حق نمایه جاری آز عم اوغلی اشک آل ایت
منی آز غریق بحر غم و محنت و ملال ایت
ویرورم قسم حسینه منه حقّیوی حلال ایت
بو شکسته دلده قویما قالا انکسار عم اوغلی
.
.
او دمی که مرده احیا اونیلا ایدردی عیسی
دم گرم و آه سردون اونی ایتدی فیضه دارا
سنیله اونی برابر ایلیم عم اوغلی حاشا
سنه قرب حقدی مسکن اونا چرخ چار عم اوغلی
.
.
دم روح بخشی سندن ایلیوبدی کسب عیسی
گل او عیسوی نفسله منی قیل ئولنده احیا
سنه ایتمیوب خیانت بُلوسن جهاندا زهرا
ئولورم رضایتونله قیل امیدوار عم اوغلی
.
.
اوزینه خدای عالم سنی ایلیوبدی مظهر
بو گوزل یوزی گورنلر گورر عین وجه داور
بو جمال بیمثالی گوره جاقلا جان وئرنلر(1)
ایده جاقلا مقدمونله حقه جان نثار عم اوغلی
.
.
یوزووی گورنده مومن اولاجاقدی شاد و خندان
اونون عکسینه منافق اولاجاق ملول و گریان
شرف ولایتون دور عمل عمومه میزان
سنی حق ایدوب قسیم نعمیله نار عم اوغلی
.
.
نه گوزلدی جان ویرنده باشیم اوسته سرّ یزدان
باشیمی آلا دیز اوسته گوزی یاشلی دلده قرآن
نه قدی خمیده زهرا هامی مومن و مسلمان
اولا گر بو لطفه مشمول ایدر افتخار عم اوغلی
.
.
بُلوسن قاپیم یاناندا منه ویردی یوز نه عالم
که مین ایللریله ائتمز بو یارا قبول مرهم
نجه سقط اولوب جنینیم ؟ دیه بُلمرم مسلَّم
ایدورم حیا گرکدور تاپا استتار عم اوغلی
.
.
یوزه آخدی خون دل تک دُر چشم اشکباریم
صدف در امامت سنوب آرتدی آه زاریم
ایله بیر فشاره دوشدوم که کسیلدی اختیاریم
او فشاره شاهدیم دور دریله جدار عم اوغلی
.
.
بو فنا جهاندا نسوان سور اولماقا بقاسی
اولا بالخصوص من تک نچه مه جبین بالاسی
بو آز عمریله بتولین بیر ئولومدی آرزوسی
ایله عمردن دویوردی منی اول فشار عم اوغلی
.
.
دئمورم وفاسیز امت نه لر ایلدی بو زاره
ئوره گیمده کی ملالی آپارام گرک مزاره
دیم اوز آنام خدیجه باباما ایده اشاره
بوله تا اولوبدی سینم نجه زخمدار عم اوغلی
.
.
سنی مسجده چکنده او زمان حقارتیله
قولوما یتیشدی صدمه ستم و وعداوتیله
دیه بلمدیم نه چکدیم او بیوک جراحتیله
بو یارالانان قولومدا هله وار یارا عم اوغلی
.
.
بو خیالیله آپاردی سنی سامریِّ امّت
که بابام رسوله هارون ایده عِجل دونه بیعت
ولی دوزمدیم کلیمه ایده سامری جسارت
سورونوب دالونجا گَلدیم گوزوم اشکبار عم اوغلی
.
.
سنه کیمسه گوردوم ایتمور او جماعت ایچره امداد
الیمی باشا آپاردیم که ایدم جهانی برباد
دل پر حرارتیله ایله خطبه ایتدیم ایراد
که قلوبه سالدی آهیم شرری شرار عم اوغلی
.
.
اوخویان زماندا خطبه دل پر حرارتیله
سنیدون فقط مرامیم نظر حمایتیله
که ابوقحافه اوغلین تانیدام خیانتیله
او قدر جماعت ایچره اولا خوار و زار عم اوغلی
.
.
فدکین قضیه سینده بُلوسن اوزون که ثانی
منه بیر جسارت ایتدی او جفا و جور کانی
قالوری هله گوزومده او جسارتین نشانی
گُل مصطفایه صدمه یتیروبدی خار عم اوغلی
.
.
اوجالاندی دود آهیم، فلک اولدی غرق حیرت
آی اوزینده لکّه سالدی ایله ابر جور و ظلمت
که گلینجه شمس عزّت قالاجاقدی بو علامت
ویره جاق نشان خسوفی گویرن عذار عم اوغلی
.
.
سنه ایلدیم شکایت دیدیم آل اَله حُسامی
دیدون اولمیوبدی ظلمین هله وقت اختتامی
گله جاق امام قائم آلاجاق بو انتقامی
گیدورم بابام یانیندا چکم انتظار عم اوغلی
.
.
گل گلستان قدسم شرف بهشت اعلی
منیله اولوب مزیّن صفحات ارض غَبرا
ایله دوندروب خزانه بو گُلی جفای اعدا
که بالام گلینجه اولماز بو گوله بهار عم اوغلی
.
.
آچیلار گل رسالت من عم اوغلی جان گولنده
سارالار گل امامت منِ خونجگر ئولنده
گُل لاله قبریم اوسته گوره سن اگر گلنده
دیر اولدی قلب زهرا نجه داغدار عم اوغلی
.
.
منه سختدور ئولومدن حسنینیمون فراقی
بو یارالی قلبیمون وار اولارا چوخ اشتیاقی
گئدورم بلالی زینب قالوری یریمده باقی
سالاجاق بلایه من سیز اونی روزگار عم اوغلی
.
.
بو حسینه وار خصوصاً ئورگیمده بیر علاقه
که چکر همان علاقه منی قبردن عراقه
یارالار گورنده قویمور بالامی دورا ایاقه
یارالی دلیمده باخ گور قالار اختیار عم اوغلی؟
.
.
بوغاز اوخلی ال یارالی بو غریب ئولن یارالی
یوزی قانلی باش یارالی دولی اوخ بدن یارالی
گئنه باخمیوب وورارر داش بونی هر گورن یارالی
یوزی اوسته قان ایچینده ال ایاق چالار عم اوغلی
.
.
یوزی قبلیه چوورسون باشی اوسته بیر کس اولماز
سو دیر یانار سوسوزدان سسینه ویرن سس اولماز
باشینی کسوب وورالار سر نیزیه بس اولماز
جسد شریفی اوسته قشون آت چاپار عم اوغلی
.
.
قاپومون یانان لهیبی سالاجاقدی بیر شراره
یاناجاق حسین خیامی ایده جاق گون استتاره
گوره جاقلا اهل کوفه که بیر آسمان ستاره
بیر آئی آلوب آرایه هاموسی یانار عم اوغلی
.
.
داغیلاندا خوردا قزلار چوله دلده واعلیا
سالار آت عداوتیله اولارین دالنجا اعدا
بالا قیز گورنده آتلو گوزی یاشلی دلده غوغا
الی باشدا آت دوشونده باش آلوب قاچار عم اوغلی
.
.
آچار ال خطالی اووچی حرم شه انامه
دوشر آهوان کعبه ستم اللریله دامه
ووروالاندا غل جامع نه چکر شهِ تهامه؟
بیلر اول یارالی آهو که اولا شکار عم اوغلی
.
.
گله جاق بالام «حسینی» چکه جاقدی چوخ ریاضت
الیله دلیله دائم ائده جاق حسینه خدمت
بودی خواهشیم ئولنده چکه قویما چوخ ریاضت
اونا بیر سلام مندن دم احتضار عم اوغلی(2)
.
.
گلرم حسینیمیله من ئوزومده باشی اوسته
دیرم که چوخ اولوبسان بالامین یولوندا خسته
خدماتیوه تلافی ایده جاق بو دل شکسته
ویره جاق نوید جنت سنه تاجدار عم اوغلی
.
(1)اصول کافی باب امامت
(2)ناسخ التواریخ ( اقرأ علی ولدی السلام الی یوم القیامة)
.
.
#فاطمیه_شهادت
#سعدی_زمان
#ئولورم_غم_فراقه_اولورام_دچار_عم_اوغلی
#بهار_بی_خزان ص 135
#آثارالحسینی1 ص 33
#ترکی
.
#زبدةالاشعار
.
: @nohe_torki
نظر دهید