وصیت حضرت علی (ع) به حضرت ابوالفضل (ع)
.
.
#سبک_کوفیان_گور_نجه_یاندوردی_منی
( دارای سه سبک متفاوت : #سبک_اویان_ای_یار_وفاداریم_اویان #سبک_کربلا_قبله_عشقیمدی_منیم #سبک_کوفیان_گور_نجه_یاندیردی_منی )
.
.
مرحوم محمد شیخ زادگان (مبکی تبریزی)
.
.
.
ای ابوالفضلیم ایا کنز وفا
جان سنون جان بو حسینون آغلاما
جگریم پاره سی سن
دردیمین چاره سی سن
.
.
.
مشکله سالما بو مشکل آچانی
خون دل اشگ غمیله قاتانی
پوزماسون حالیمی بو شور و نوا
جان سنون جان بو حسینون آغلاما
.
.
.
آیریلیق حقه قسم مشکلدی
حسرتیله باخوشون نسگلدی
ای سنیق قلبلره ذوق و صفا
جان سنون جان بو حسینون آغلاما
.
.
.
آخرین لحظه لریمدی گورورم
یارامین سوزشی آرتوب ئُولورم
گَل اُوپوم گوزلریوی ماه لقا
جان سنون جان بو حسینون آغلاما
.
.
.
رحم ایله عترتیمون ناله سینه
ای ویرن سس بو حسینون سسینه
ویرماسون باشه بنات مصطفا
جان سنون جان بو حسینون آغلاما
.
.
.
غم یمه کّل خَلایق ئوله جاق
آغلیانلار سیزه قان آغلیا جاق
اُولمیوب جسمون هله غرق دما
جان سنون جان بو حسینون آغلاما
.
.
.
باخ بو نظمی پوزولان اولدوزلاریما
بوینی چیگنینده دوران قیزلاریما
او جالور نُه فلکه وا ابَتا
جان سنون جان بو حسینون آغلاما
.
.
.
فاطمه هجری اگیبدی بلیمی
یاندوروب هجر اودی داغلی دیلیمی
وورما اود باب الحوائج یاراما
جان سنون جان بو حسینون آغلاما
رتبتون غبطه سین ایلر شهدا
عشقیوه واله اولار اَمرِ قَضا
مونس پنج تن آل عبا
جان سنون جان بو حسینون آغلاما
.
.
.
سن بو خیبر شکنون وارثی سن
درس تقوانی جهانه دیه سن
قان اولان گوزیاشوا (مبکی) فدا
جان سنون جان بو حسینون آغلاما
.
.
.
#حیدریه_شهادت #حیدریه
#ای_ابوالفضلیم_ایا_کنز_وفا
#مبکی_تبریزی
#ترکی
#زبدةالاشعار
نظر دهید