ئولورم قارداش حسین گل اوخی قرآن باجووا #زینبیه_محمدی_ناطق

شهادت حضرت زینب ( س )
.
#زبدةالاشعار
.
: @nohe_torki
.
محسن محمدی هشترودی
.
ئولورم قارداش حسین گل اوخی قرآن باجووا
نظر لطفله باخ شاه شهیدان باجووا
.
.
سنه قربان من اولوم پنج تن آل عبا
سالما گوزدن باجووی ای خلف شیر خدا
یتورر عرضمی واقعده سنه باد صبا
گله سن چکمگه باش حال پریشان باجووا
.
.
گور نه احواله قالوب کوکب بختی سوزولوب
جان دوداقه یتشوب اللری الدن ئوزولوب
سنون عشقونده یوزه درّ سرشکی دوزولوب
گل تسلی ویر ئوزون دیده سی گریان باجووا
.
.
یانورام اودلانورام قبره سنی قویمامشام
الفت عشقی عزیزم بولوسن سویمامشام
فرقتونده یارالی آغلامشام دویمامشام
چوخ چتین اولدی اوگون خیمده هجران باجووا
.
.
من دیدیم گیتمه دایان دردمه درمان یارالی
زینبون جانی اولا جانوه قربان یارالی
بیر دویونجا گوروشاخ اولمادی امکان یارالی
ایمدی گل ایله بو جان ویرمگی آسان باجووا
.
.
گوزلریم یولدا قالوبدورگل حسین جان ویرورم
منی بیر لحظه دانشدیرماقووی چوخ سویرم
گوئیا قتلگه ایچره سنی عریان گورورم
یوخدی امداد ایلین قلبی اولان قان باجووا
.
.
رحم ایدن اولمادی بو زینب نالانه حسین
باش سیز،ال سیز بدنون غرقدور القانه حسین
قیزلارون نعشوه اولموشدلا پروانه حسین
قالماقا اوردا او گون اولمادی امکان باجووا
.
.
نیجه گوردوم یئرین اوسته یارالی پیکریوی
ساربان کسمشدی مشکل آچان اللروی
یوخودی باش بدنونده که ئوپم لبلروی
کسیلن حنجرون ئوپدیم اولا برهان باجووا
.
.
ظلمله قطع اولان اوداجوه قربان یارالی
نیزه لر اوسته ده کی معراجوه قربان یارالی
خط سیرینده کی منهاجوه قربان یارالی
یاره لی نی ده باشون اولدی نگهبان باجووا
.
.
قلب عالم سن حسین غملره توشم ئولورم
گوزلریم یولدا قالوب خانه بدوشم ئولورم
شمع وصلیم قریلوب یئرده خموشم ئولورم
گل ئوزون ساخلا گلان شام غریبان باجووا
.
.
بو غریب ئولکه ده بیر کس یوخوم اجلاسه گله
ویر اجازه کسیلن قوللاری عباسه گله
اکبر و قاسمه امر ایله گلن یاسه گله
بزم غمده اوخوسون تک تکی قرآن باجووا
.
.
شرف آیینه سی سن آند اولا زهرایه حسین
ایسته اولسون سنیله “ ناطقی” همسایه حسین
بیر زادی یوخ الی بوشدور گله عقبایه حسین
آناما خاطر اونی ایتگله مهمان باجووا
.
.
#زینبیه_محمدی_ناطق
#زینبیه_شهادت
#ئولورم_قارداش_حسین_گل_اوخی_قرآن_باجووا
#ترکی
.
#زبدةالاشعار
.
: @nohe_torki