زبانحال رقیه خاتون در خرابه شام
.
✍️ #زبدةالاشعار ✍️
.
🆔: @nohe_torki
.
مرحوم شهاب تبریزی
.
ئولونجه وار یری عمه گوگل فغانه گله
سرشک دیده دونوب قطره قطره قانه گله
.
بیانه گلسه هامی سرگذشتیم اولدن
خرابه محنتی ممکن دگل بیانه گله
.
سموم جور مخالف پوزوبدی گلشنیمی
نه وقت اولور که گُلوم برده گلستانه گله
.
گُلومدن آیری دوشن بلبلم فغان ایدرم
رموز عشق همیشه گرک عیانه گله
.
نولور که قاصد آهیله بیر پیام ایده سن
بو حالی گورمکه اول اکبر جوانه گله
.
نقدر واریدی اکبر زمانه چوخ خوشیدی
محال دور ایله خوش گون ایله زمانه گله
.
آدون فداسی اولوم هارداسان علی قارداش
خرابه لرده باجون قویما بیله جانه گله
.
گلوبدی درده گوگل قورخورام ایدم ناله
باشیما ورماقا شمر الده تازیانه گله
.
بابام که صاق دگل عمّه گیدم شکایت ایدم
گوروم که لعنت حق شمریله سَنانه گله
.
بنات فاطمه ویرانسرا نه نسبتی وار
روادور آل پیمبر بیله مکانه گله
.
مگر مصیبتیم آزدور دوباره شام اهلی
شماتت ایتمگه بو زار و ناتوانه گله
.
بو یرده قلبیمه بسکه وروبلا دل یاراسی
او یاره لر دَگی ممکن که عمّه سانه گله
.
صغیر سنّیله من تک بلایه تاب ایلین
بیله گمان ایلمه بیرده بو جهانه گله
.
زبان خامه توکر اود بسان تیر شهاب
رقیّه محنتی گر ایستیه زبانه گله
.
.
.
#حضرت_رقیه_شهاب_تبریزی
#حضرت_رقیه_شهادت
#ئولونجه_وار_یری_عمه_گوگل_فغانه_گله
#ترکی
.
✍️ #زبدةالاشعار ✍️
.
🆔: @nohe_torki
نظر دهید