در آرزوی کربلا
…
مرحوم حاج رضا صرّاف تبریزی
…
ائتدوم حسین مزارینی چوخ ایللر آرزو
الحمدُلِلَّه اولدی میسّر هر آرزو
پروانه تک فراق اودونا یاندی مرغ دل
ایندی وصال بزمدور ایلر پر آرزو
بو تربت حسینه نئجه مشکِ تر دئیوم
ایلر بو عطری عنبر مشک تر آرزو
بولدی بو آستانه ده عین حیات وار
ائتدی مجاور اولماقی اسکندر آرزو
چون جلوه گاه عشقده موسی کیمی کونول
«ارنی» دئیوب تجلّی حق ایلر آرزو
بو سرزمین ماریه رشک بهشتدور
ائتمز فراقه تشنه اولان کوثر آرزو
روح الامین بو بقعۀ عرش آستانده
فرش ائتمگه همیشه ائدر شهپر آرزو
قربان گتیرمگه بو منای محبّته
پیوسته اؤز جوانین ائدر «هاجر» آرزو
قویسون یوزون شبیه پیمبر ایاقینه
هر کیم ائدر زیارت پیغمبر آرزو
قان آغلایین بو مرقد ششگوشه صاحبی
ایلوب قوری دوداقیله چشم تر آرزو
چون مست جام عشقدی صحرای عشقده
باشین وئروب ، ائدردی تنِ بی سر آرزو
ال چکدی ملک و مالدن ، اهل عیالدن
جانان یولوندا ائتمدی سیم و زر آرزو
کئچدی علیِّ اصغر شیرین زباندن
گوردی بلا خدنگین ائدر اصغر آرزو
تیر بلا گلنده قیلوب سینه سین سپر
تیغ جفا دگنده ائدوب خنجر آرزو
زینب گوروب جنازه سینی یئرده بی کفن
ائتدی او نعشه چکمگه بیر معجر آرزو
زنجیره شمر باغلادی گوردی سکینه نی
ایلر کمند زلف علی اکبر آرزو
منده بو آستانه ده گوز یاشی ایسترم
«صرّاف» اولان همیشه ائدر گوهر آرزو
#کربلا
#آرزوی_کربلا
#ایتدوم_حسین_مزارینی_چوخ_ایللر_آرزو
#صراف_تبریزی
#ترکی
نظر دهید