زبدةالاشعار

اخا دوشدوم داخی دیلدن هرایه گل آتام اوغلی #عباسیه_صراف_تبریزی

استمداد حضرت ابوالفضل العباس(ع) از حضرت سیدالشهداء(ع)
.
.
مرحوم صراف تبریزی
.
.
اخا دوشدوم داخی دیلدن
هرایه گل آتام اوغلی
ویریلدیم باشدن بئلدن
هرایه گل آتام اوغلی
.
.
گل ای ایستکلی قارداشیم
بلا بزمنده یولداشیم
بدنده دورمیری باشیم
هرایه گل آتام اوغلی
.
.
آخیبدور باشیمون قانی
دوتوب هر سمتی، هر یانی
سنی زهرا آنان جانی
هرایه گل آتام اوغلی
.
.
منیم سنسیز پناهیم یوخ
داخی امیدگاهیم یوخ
بیر أوزگه دادخواهیم یوخ
هرایه گل آتام اوغلی
.
.
دوتوم آرتیق اذیت دور
ولی عباسه منت دور
قبول ائت گرچه زحمتدور
هرایه گل آتام اوغلی
.
.
نوازش ایله عباسه
.
قتیل قوم نسناسه
ابوالفضل ئولدی گل یاسه
هرایه گل آتام اوغلی
.
.
فلک صبریم آلوب آخر
منی درده سالوب آخر
گؤزوم یولدا قالوب آخر
هرایه گل آتام اوغلی
.
.
ز بس اوخ سینه مه باتدی
سینوب سینه م نفس باتدی
قولیم گئتدی، علم یاتدی
هرایه گل آتام اوغلی
.
.
اولور عباس دلخسته
باخور بو حاله هر دسته
گل آل باشین دیزین اوسته
هرایه گل آتام اوغلی
.
.
غمیم اغیاره بولدورمم
بو سؤزون اؤزگه سوز بوللم
جمالین گؤرمسم اوللم
هرایه گل آتام اوغلی
.
.
آنام یوخدور آچا باشین
تؤكه شوریله گؤز یاشین
آتار کیم نازلو قارداشین
هرایه گل آتام اوغلی
.
.
منی گل گؤر جگر داغلا
اؤزون قارداش دئیوب آغلا
ئولورم گل گؤزیم باغلا
هرایه گل آتام اوغلی
.
.
بو قارداشین چکر حسرت
اولا بیر سنله هم صحبت
دی گل قوی جان وئروم راحت
هرایه گل آتام اوغلی
.
.
بو صراف مصیبت خوان
اولوب مستغرق عصیان
سنی دعوت ائدر هر آن
هرایه گل آتام اوغلی
.
.
.
#عباسیه #صراف_تبریزی
#عباسیه_شهادت
#اخا_دوشدوم_داخی_دیلدن_هرایه_گل_آتام_اوغلی
#ترکی
#زبدةالاشعار

متن پیشنهادی:  عمه بو یزید کافر چوخ بیوک جسارت ایلر #مجلس_یزید_نجمی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی