زبدةالاشعار

ادب و معرفت و غیرته معیار عباس

مدح حضرت ابوالفضل العباس علیه السلام – حماسی
صُولَتِ اَطْلَس
.
✍️ زبدة الاشعار ✍️
.
🆔: @nohe_torki
.
کربلایی #محمد_لطفی ( حسام )
.
ادب و معرفت و غیرته معیار عباس
بنده ی شاه وفا شاهی علمدار عباس
آننی پارلاق گوزی زیبا یوزی گلنار عباس
خارِ بی عاره باخار سوسنِ رعنا ایلر
کیپریکینده حرکت غیرتی معنا ایلر
.
.
صورت آراسته ی قادرِ تقدیرِ اَزَلْ
جلوه ایتسه اوتانار گون ، آی اولار برگِ خَزَلْ
حملِ تعریفینه عاجزدی هامی شعر و غزل
سیرتیندن نه دییم آینه دَنْ باج آپارار
عَظَمَت لَن آدینی صاحبِ معراج آپارار
.
.
معرفتخانه ی حیدرده حسین سقاسی
مجتبی تک اولوب اخلاقِ حسن داراسی
بیرده کلثومیله زینب قولونون یاراسی
بیر مواسات ایلدی تشنه ئولن قارداشینا
ایندی جنّات ده زهرا دولانار هی باشینا
.
.
ئورگدوب ام بنین شیوه ی خاطرخواهی
آنا زهرا دیوب _ عباس چکوبدور آهی
مرتضی اوغلی ایله راضی ایدوب اللهی
دوزدی کی(قالَ لَهُ کُنْ فَیَکونْ)وار آرادا
ایستمز حضرتِ خلاق اونا همتا یارادا
.
.
سِطوَت ایلَردی تَجَلّا او توانا الده
دییرم صُولتینی بو سخنِ مجمل ده:
نامِ اطلس اونا مخصوصْ گلوب مقتل ده
اطلسِ معرکه میداندا ثباتیله دورار
بیر مبارزدی کی اعدا باشینا دوره وورار
.
.
ای جوان کیم رهِ عشقونده سنه وورسا تَشَرْ
چوخ وقاریله قولون دوت دینن ای پیرُوِ شَرّ
عشقِ عباسیله چون کامل اولار عقل بشر
عاشق اول سنده قاریشْ عاقل وفرزانه لره
عقل اوزی لعن اوخیور عشقیله بیگانه لره
.
.
بینِ اقوامیده بیگانه منیّت یارادار
فکر ایدور تفرقه سالسا بیزه محنت یارادار
ترکیلن فارس آرا عباس محبت یارادار
نجه کی مصرعه واژه دولار عباسه گوره
نون محنت اوتانار باء اولار عباسه گوره
.
.
مُلکِ ایراندی بو یر اهلِ ولا ملّتی وار
هر نفاق اهلینه خوش گونلریون ذلّتی وار
قلبِ ملّتده دی ارتشله سپاه علّتی وار
بولور ارتشده تکاور تک ابوالفضلدی فقط
وَ #سلیمانی یه یاور تک ابوالفضلدی فقط
.
.
بی بصیرت نه تانیر عالم آرا تک کیمدی
درسِ تاریخی حسین یازدی اتابک کیمدی
مدعی یاوه دیمه شرم ایله بابک کیمدی
آبِ حیوان ندی بو طشتیله سو خوش دی بیزه
کیم گلوب نوکرِ عباس اولا کوروش دی بیزه
.
.
هر محقق کی حقیقت اثرین جویادی
گوره جاق بو سوزه تاریخ ملل گویادی
مَنِش و بینِشِ عباسِ علی پویادی
سالم العقل بشر هر گَلَنه باش اگمز
اینانین کوروش و بابک یولی درده دگمز
.
.
قلم ایلر سوزی مقراض کیمی پیرایش
وجه احسن له ورار نوحه لره ویرایش
روح ایدور فرشِ حسینیه لری آرایش
نوح نوحه دِیَه جاق ختم نبی آغلیاجاق
گینه سقا باشینون یاره سینی باغلیاجاق
.
.
باش سوزونده یری وار هوش چیخا هر باشدان
بو مصیبت ده آچار فاطمه معجر باشدان
وردالار آهن عمودی او مطّهر باشدان
شدتِ ضربه نی اذهان متصوّر اولماز
گول ایاقلانسادا عباس مثالی سولماز
.
.
داش اورک لشکره داشلار ایلیوبلر یاری
پرت اولوب پارچالیوب پیکر پرچمداری
ریزه قوملار بو سوسوزدان اوتانین سیز باری
چکیلون تا چکه رخسارینی توپراق اوسته
خوش گَلَر یاره گوره یارینی توپراق اوسته
.
.
ایله کی یخدیلا گویدن قمرِ والانی
پست لر دوره لدی پیکرِ خون پالانی
نوفَلِ نحس چکوب بیر نفسِ طولانی
دیدی گوردوز بو دلیر اولدی اسیرِ فِتَن یم
خیمه ده هر نه سیزون خیرداجا گوشواره منیم
.
.
#عباسیه_مدح
#ادب_و_معرفت_و_غیرته_معیار_عباس
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای گل زیبا یار مه سیما #حسینیه_بابک_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی