اربعینین دیرحسینیم خسته زوارین گلیر #اربعین_سدید_هریسی

اربعین
.
#زبدةالاشعار
.
: @nohe_torki
.
#سبک_زینبم_جان_اوستیم
.
سدید هریسی
.
اربعینین دیرحسینیم خسته زوارین گلیر
شامیدن پای پیاده زینب زارین گلیر
.
.
دورایاقه گل بویورغون قومین استقبالینه
اهل بیتین باخ ستملردن پوزولموش حالینه
قیل نظرقدی بؤکؤلموش زینبین احوالینه
گؤرنه احوالی پریشان یاروانصارین گلیر
.
.
گرچه سن تک قارداشیم الدن گئدیب تک قالمیشام
آمامن آزاده لیک درسین آتامدان آلمیشام
دشمنین اردوسونابیرخطبه ده اودسالمیشام
وقریله باش قوزادشمن سیندیران یارین گلیر
.
.
ظلمودن یانسامداظلمون ریشه سین یاندیرمیشام
کوفیانه حق سؤزون بیرنطقیله قاندیرمیشام
شامیده کاخ یزیدین هیبتین سیندیرمیشام
ننگ وذلت دن بیلیردیم چون سنین عارین گلیر
.
.
اؤزوئرنده هرهجوم ظالیمانه قیزلارا
من سپراولدوم عطشدن یانه،یانه قیزلارا
هانسی نامحرم وورانداتازیانه قیزلارا
گؤردولربیرشیرتک یاروهوادارین گلیر
.
.
اؤلدؤروب دشمن اگریئدی عزیزقارداشیمی
قویمادیم بیرکس گؤره گؤزدن آخان گؤز یاشیمی
اماقارداش طاقت الدن گئتدی یاردیم باشیمی
نیزه باشینداگؤرنده قانلی رخسارین گلیر
.
.
گرچه سنسیزچوخ غم رنجه گرفتاراولموشام
بوسینیق هنگه ولی شایسته سردار اولموشام
قارداشیم عباس اؤلن گؤندن علمداراولموشام
پرچم اسلام الینده شانلی سردارین گلیر
.
.
تانفس وارمنده قارداش قویمارام یاتسین علم
قوللاریم حتی اگرعباس تک اولسون قلم
یاعلی اکبرکیمی دوغرانسادا جسمیم نه غم
دشمنین گؤرسون علم الده علمدارین گلیر
.
.
گرچه چوخ ظلم ائتدی اهل بیته بوقوم پلید
قویمادیم اهداف شومه چاتسین عمال یزید
سینمادی بیرلحظه حتی منده بوعزم ،سدید،
چون رسالت حکمی الده یاروغمخوارین گلیر
.
.
#اربعین_سدید_هریسی
#اربعینین_دیر_حسینیم_خسته_زوارین_گلیر
#ترکی
.
#زبدةالاشعار
.
: @nohe_torki