اربعین
ورود اهل بیت مطهره به کربلای معلا
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم …
.
مرحوم حاج رضا صراف تبریزی
.
عمه بو چؤلدن غریبه نکهت عنبر گلور
کربلا دور یوخسا عطر کاکل اکبر گلور
.
عمه جان قربانون اوللام نو عروسه وئر خبر
شام هجران گئتدی، صبح وصله بنزر بو سحر
نفخه باغ ارمدور یا شمیم شک تر
ائیله کیم باد صبادن روح جان پرور گلور
.
.
روضۀ رضواندی بو یئر عمه، یا طوف چمن
خوش گلور جان تک مشام جانه بوی نسترن
گوندروب پیراهنین یا یوسف گل پیرهن
قاصد کوی وفادن بوی پیغمبر گلور
.
.
قید محنتدن خلاص اولدوم داخلی ائتمم گله
زورق جسمیم چیخوب گرداب غمدن ساحله
ملک چینه، یا یئتوب دشت بلایه قافله؟
عطر عنبر، یا شمیم طرّۀ اصغر گلور
.
.
بو سواد کربلادی یا سواد چشم حور
قبر اكبر گؤرسنور یا سایه سالمیش نخل طور
مشعل آهیم شعاعیندن یانار قندیل نور
یا شب دیجور هجراندا مه انور گلور
.
.
اولدی روشن شامدن صبح سعادت اختری
یا قِران سعد قیلسون زهره ایلن مشتری
گوهر وصله اولوبدی جان و دلدن مشتری
الده جان نقدین دوتوب كلثوم غم پرور گلور
.
.
نئچه مدتدور کونول تیر غمه آماج اولوب
گلشن عیشیم سموم ظلمیلن تاراج اولوب
روز روشن دیدۀ لیلایه لیل داج اولوب
قاره بختیم تک سالوب باشه قرا معجر گلور
.
.
بادۀ محنتله چوخ دولدی، بوشالدى جام دل
شکرلله عاقبت اولدی میّسر کام دل
پیشواز ائتمیش منی اکبر کیمی آرام دل
چون برادر قبرینون پابوسینه خواهر گلور
.
.
تازه بیر رونق وئروب نور حسینی عالمه
ایلیوب #صرافی منصور حسینی عالمه
واحسینیلن سالوب شور حسینی عالمه
ائیلوب دیلده مبارک آدینی ازبر، گلور
.
.
#اربعین_صراف_تبریزی
#عمه_بو_چؤلدن_غریبه_نکهت_عنبر_گلور
#ترکی
.
✍️ #زبدةالاشعار ✍️
.
🆔: @nohe_torki
نظر دهید