ورود به ماه محرم
بیاتی لار
توسل به حضرت ابوالفضل العباس علیه السلام
.
✍️ زبدة الاشعار ✍️
?: @nohe_torki
.
ابوالفضل عباسی معروفان اهری ( معروف )
.
اسدی گئنه قرا علم ابالفضل
قسمت اولوب بیرده گلم ابالفضل
دوت الیمدن یئخیلمشام قاپوا
ای قوللاری تندن قلم ابالفضل
.
.
قاره وی باشه باغلیار ابالفضل
ائللر سنه دل داغلار ابالفضل
قانلی گؤزون سؤزی دیله دوشنده
ئورک یانار گؤز آغلیار ابالفضل
.
.
عشقوی دیلده بسلرم ابالفضل
قاره باشیمدا سسلرم ابالفضل
هر عاشقین بیر عشقی وار ئورکده
منده سنی چوخ ایسترم ابالفضل
.
.
باشیمدا غم هواسی وار ابالفضل
محرمین صفاسی وار ابالفضل
شیعه لرین بیگانیه باش اگمز
سنین کیمین آقاسی وار ابالفضل
.
.
علم لردن اوجا سنین علمین
دیلدن دیله دوشوب آقا کرمین
ملک لرده درگهیندن ال أوزمز
بهشته بنذیور گؤزل حرمین
.
.
گؤزل آقام صفا یاغور آدیندان
دویمامیشام گؤزل آدین دادیندان
خاطریمدن چخماز آدین ٬ چخاتما
محشر گونی سنده منی یادیندان
.
.
دریا کیمی کاش آخاسان ابالفضل
من نوکرم سن آقاسان ابالفضل
ال آچمیشام درگهووه نه اولار
نوکروه بیر باخاسان ابالفضل
.
.
یوللاروا قربان اولوم ابالفضل
خوللاروا قربان اولوم ابالفضل
سئنان باشا ٬ فرات اوسته کسیلن
قوللاروا قربان اولوم ابالفضل
.
.
گؤزل آقام ئورکلره صفا وئر
کرم ائله مریضلره شفا وئر
طشت عزا حرمتینه ابالفضل
عاشقلره برات کربلا وئر
.
.
#سبک_امید_و_سقای_حرم_اباالفضل
.
#ورود_محرم
#اسدی_گئنه_قرا_علم_ابالفضل
#معروف_اهری
#ترکی
.
✍️ #زبدةالاشعار ✍️
?: @nohe_torki
نظر دهید