اسیر عشقم و عشق حسیندی بنیانیم #حسینیه_محمد_وهابزاده

در مراتب لاهوتی امام حسین (ع) و گریز به شهادت طفل شیرخوار
.
.
.
محمد وهابزاده (عیّار)
.
اسیر عشقم و عشق حسیندی بنیانیم
وفاو غیرته وار اعتقاد وایمانیم
.
حسیندی عالم ایجادی شورشه گتورن
مگر اولار کی فدا اولمیا اونا جانیم
.
گوزل مسیره قویوبدور قدم ائوی آباد
که خالقی بویوروبدور اونا منیم قانیم
.
کفن گیوب بشره درس حق وئرن سن سن
کی خنجر آلتدا اولان ریزه ریزه قربانیم
.
حسیندی قامت اسلامی جاودان ائلیین
ورق ورق داغیلان بندِ بندِ قرآنیم
.
فدا اولوم او کتابه چیخوبدی میزاندان
که آیه آیه سپیلمیش ترابه فرمانیم
.
نه سوره سورهء یوسف نه آیت الکرسی
زبور و مصحفه باخ واردی آیری جریانیم
.
منم که مست اُلوهیت خداوندم
منم که عالم زرده یازیلدی پیمانیم
.
گئدون گزون هامی عالَملری اگر تاپسوز
منه برابر اولان هاردا واردی یوخ ثانیم
.
احد ده تکدی حسینده قسم به لوح وقلم
که عرش و فرشیده یوخ صورتینده امکانیم
.
ستون عرشیده صاق سمتیده باخون آدیما
سِپردی لرزه لره هست و بود و اَرکانیم
.
سماده یر آزیدی تنگیدور منه گیتی
اودور که یرده منه ذرّه لردی حیرانیم
.
جمال یاری گورن لفظ اَرنی ایشلَتمَز
کی لَن تَرانی ائشیتدی کلیم جانانیم
.
بو فرّ و وَجد و شکوهی اگر گورن واردور
رضای حقّه سو وئرسون که یاندی طفلانیم
.
بو صود امر که گورور سوز عزیز زهرادور
آناسی خیمه ده عرض ائتدی بوشدی پستانیم
.
گوروندی همهمه دوشدی سپاه کفاره
که یعنی سو وئرن اولماز خدای سبحانیم؟!!
.
سو وئردی حرمله اما او نوک ناوَکدن
سه شعبه اوخ واریمیش سهم طفل نالانیم
.
چکوبدی زوزه بیر اوخ اگلشوبدی گلبرگه
زمانه زلزله سالدی مکانه ویرانیم
.
یاروبدی تشنه بوغازین چکوبدی تکبیری
اَسف لَنوبدی بو تکبیره عرش یزدانیم
.
جراحتین یوخیدور شرح و بسطِ نقالی
فقط دئدی که قوتاردی بو طفل جِیرانیم
.
#حسینیه_مدح #حسینیه
#اصغریه_شهادت #اصغریه #اصغریه_محمد_وهابزاده
#اسیر_عشقم_و_عشق_حسیندی_بنیانیم
#محمد_وهابزاده
#ترکی
.