قارداش او گوزل قبرووه جانیم اولا قربان #اربعین_نادربابایی

اربعین
.
✍️ #زبدةالاشعار ✍️
.
🆔: @nohe_torki
.
حاج نادر بابایی
.
قارداش او گوزل قبرووه جانیم اولا قربان
یورقون باجووام کرب و بلاده سنه مهمان
.
.
زوار مزارون یتیشوب قبرووه خسته
به به نه گوزل ائتدون عمل امر السته
اکبر ایاقون آلتدادی اصغر سینون اوسته
مه پاره لرین آدی او گون سنله یازیلدی
بو گورملی قبرون اودی ششگوشه قازیلدی
.
.
هر قوش آنام اوغلی قفسیندن اولا آزاد
واضحدی بو اول ائدر ئوز گلشنینی یاد
بو قزلارادا سیر زمانه ائدوب امداد
اما بولارون بال وپری اولدی شکسته
یورقون یخیلوبلار بو گوزل قبروون اوسته
.
.
آزاد اولوب هر چند باجون قید رسندن
بیر حسرتی وار قلبیده سن یاخشی بیلورسن
اولموبدی میسر سنه غم بزمی قورام من
سن ایله دعا زینبووی یورماسین الله
یثربده سنون یاسووی قوررام ئوزوم ای شاه
.
.
دیداریمیزی سالدی زمانه گئجه گلدیم
هم گوندوزی عشقونله حسین هم گجه گلدیم
آلچاق اوجا یولاری سوروشما نجه گلدیم
آغلاردی بو چوللرده منیم حالیمه داغ داش
دیندیر باجووی باغریمی قان ایلمه قارداش
.
.
سن دئ آنام اوغلی منه بو کرب وبلادن
منده دییرم کوفه و شامات و جفادن
شمشیری یخان قانی دئ سن ،منده حیادن
گوستر منه سن سینه ده کی داغ جوانی
من گوستررم آغ ساچیلان ،قد کمانی
.
.
قورتاردی حسین عترتووه قید اسارت
قارداش یتیشوب موسم تحویل امانت
هئچ کیمسه گوروم اولماسون عالمده خجالت
اسگیک بالالاروننان حسین بیرقزون اولدی
ویرانه ده یعنی او آخان اولدوزون اولدی
.
.
ویرانه نی مسکن ائلدی قالدی رقیون
شام ایچره نجه ولوله گور سالدی رقیون
گوشواره وئروب خورداجا قبر آلدی رقیون
فکر ائتمه اونی تک قویارام شامیده قارداش
شیرین دیلووه آخر اولار عمه سی یولداش
.
.
#اربعین_نادربابایی
#قارداش_او_گوزل_قبرووه_جانیم_اولا_قربان
#ترکی
.
✍️ #زبدةالاشعار ✍️
.
🆔: @nohe_torki