کوچ از قتلگاه
وصیت حضرت اباعبدالله الحسین علیه السلام
#شیعتی_مهما_شربتم_ماء_عذب_فاذکرونی (1)
.
.
مرحوم راقم اردبیلی
.
.
اشک چشمیله ایدون گوز جامینی دریای خون
«شیعَتی مِهمَا شَرِبتُم ماءَ عَذبٍ فَاذکُرونی»
.
.
خنجر آلتندا سوسوز ویردیم من لب تشنه جان
بیر ایچیم سو اولمادی یا شیعتی سو اولدی قان
قلب ایوینی بیت الاحزان ایلیوب ایلون فغان
«اَو سَمِعتُم بِغَریبٍ اَو شَهیدٍ فَاندبونی »
.
.
یاره لردن آخدى قان جاری اولوب چون سلسبیل
سو کیمی قانیمی ایتدیم فی سبیل الله سبیل
فاطمه دلبندینی ئولدوردی دشمن بی دلیل
«وَ انَا السِّبطُ الَّذی مِن غَیرِ جُرمٍ قَتَلونی»
.
.
جمع اولوب دشمن ستمله سالدیلار آتدان منی
سهلدور گر تشنه لب ایتدیله باغرى قان منی
ظلمیله ئولدوردی آخر قوم بی ایمان منی
«وَ بِجرد الخَیل بَعد القَتل عَمداً سَحَقونی»
.
.
سندیروب پیمانی آخر فرقۀ پیمان شکن
اوز الیمله اکبریمون بوینونا سالدیم کفن
بیر کسیم قالمادی غیر از اصغر شیرین سخن
«لَیتَکُم فی یَوم عاشورا جَمیعاً تَنظُرونی»
.
.
ظهر عاشورا سیزی چوخ ایلدیم من آرزو
ایستینده اصغر شیرین زبانیم شیعه سو
بیر گوریدوز نه جفالر ایلدى قوم عدو
«کَیفَ اَستَسقی لِطِفلٍ فَاَبوا اَن یَرحَمونی»
.
.
بلبل خوش لهجه می سالدى عدو گفتاریدن
سولدی گل یتدی خزان قالموب نشان گلزاریدن
اصغره سو ویردی دشمن ناوک پیکانیدن
«وَ سَقَوهُ سَهمَ بَغیٍ عِوَضَ الماءِ المَعینِ»
.
.
(1) برای دسترسی به سایر اشعار در این موضوع روی هشتک زیر کلیک کنید
#شیعتی_مهما_شربتم_ماء_عذب_فاذکرونی
.
#حسینیه #راقم_اردبیلی
#حسینیه_شهادت #شیعتی_راقم_اردبیلی
#اشک_چشمیله_ایدون_گوز_جامینی_دریای_خون
#ترکی
#زبدةالاشعار
زبدةالاشعار
: @nohe_torki . . مرحوم زبردست (خائف تبریزی) . خانم زهرا اوزون دور گل عزایه عزا ساخلا غریب اوغلون رضایه . . خانم اوغلانلارون مغموم اولوبدور تمامیبیشتر
نظر دهید