گیدورسن جنگ اشراره برادر فی امان الله #وداع_واقف_سرابی

وداع حضرت امام حسین (ع )
سوال و جواب
..
..
مرحوم واقف سرابی
..
..
/// جواب حضرت زینب (س) ///
..
..
گیدورسن جنگ اشراره برادر فی امان الله
عیالون قالدی آواره برادر فى امان الله
..
..
جهانه گلمیوب زینب کیمی بیر باغریقان قارداش
توقّف ایله جدّیم خاطرینه بیر دایان قارداش
منیم تک مهربان باجی سنون تک مهربان قارداش
قالوم محروم دیداره برادر فى امان الله
..
..
قسم ویرّم آنام زهرایه بو سرّی بیان ایت سن
اگر آخر وداعوندور دویونجا ایلیوم شیون
آنام زهرا ایدوبدور نقل ئوزی بو نحرگاهوندن
سنانیله اولور پاره، برادر فی امان الله
..
..
دوتوب میر حرم دامانون آهوی حرم زینب
دیدی قارداش نجه چکسون بوقدری درد و غم زینب
بو دشت پر بلا ایچره قویان گوندن قدم زینب
گونی گوندن اولوب قاره برادر فی امان الله
..
..
گیدوبدور قاسم و عبّاس و اکبر اختیاریم یوخ
الونده اوخلانوب شش ماهه اصغر اختیاریم یوخ
سنون هجرانوه ای جان خواهر اختیاریم یوخ
جفای قوم کُفّاره برادر فى امان الله
..
..
گلنده بو دیاره گلموشم تخت روانیله
جلال و شوکتیله بیر نچه نورس جوانیله
گیدوم شامه قولی باغلی نجه شمر و سنانیله
پریشان زلف بازاره برادر فى امان الله
..
..
منی دلدن سالار دشمن گلنده خیمه گاه اوسته
باجون زینب ایدر شیون چکور چوخ آه آه اوسته
ابوالفضلیم ایشیتسه ساکت اولماز قتلگاه اوسته
دییَم دردیم علمداره برادر فى امان الله
..
..
گجه گوندوز اولوب واقف عزا بزمینده رامشگر
یازار بو غملو افرادی ایدوبدور زینت دفتر
ایدون بو وقفه حضّاریله زوار على اکبر
نظر قیل اول گنه کاره برادر فی امان الله
..
..
..
#وداع #واقف_سرابی #حسینیه_داع #ترکی #زبدةالاشعار