بسم الله
در شهادت امام حسین (ع) و عاشورائیان
.
#زبدةالاشعار
.
: @nohe_torki
.
مرحوم دخیل
.
اَقول مُبتَدَاء بِالکَلامی بسم الله
شَرَعت اَقرَءُ زَرء الکرامی بسم الله
.
بحول قوّۀ پروردگار حیّ و قدیم
گلوب گینه اله نظمون نظامی بسم الله
.
دوباره صاحب خاک شفا شفا ویردی
که مرثیه او خویام صبح و شامی بسم الله
.
بزرگوار خدایاموفق ایله منی
که نالیه گتورم خاص و عامی بسم الله
.
توکون سرشگ وورون باشه باشلیون شیون
حسین تشنه لبون بوشدی جامی بسم الله
.
او وقتی یاده سالون که حسینه شمر دیدی
بیزی خلاص ایله قطع ایت کلامی بسم الله
.
نه دورمسان بیله عورت اوشاق ایچینده غریب
سپاه کینه ده گور ازدحامی بسم الله
.
و یا اوزون گل اگر گلمسون بویورگلسون
قباقه قاسم آهو خرامی بسم الله
.
حسن نشانه سیدور قویماروق اولا اونی خوار
بو چولده حاصل اولور ایندی کامی بسم الله
.
ال و ایاقینه قانیله بیز حنا قویاروق
قبول ایلمروک ننگ نامی بسم الله
.
علی اکبری تیز سال یولا اگرچه دیه
قویون دویونجا گوروم بیر آنامی بسم الله
.
ننوعی لیلی قویار اکبری معطل اولا
اوزی گورور بو خدنگ سهامی بسم الله
.
سلام ویرسه اونا اوغلی گر وداع ایچون
اولا گرکدی جواب سلامی بسم الله
.
اگر ئولوبدی جوانان هاشمی یولا سال
کمکلیگ ایتمگه قاره غلامی بسم الله
.
یتیشدی شمر لعین دولدی ظلمیله آفاق
چکوب قلنج بوشالتدی نیامی بسم الله
.
ییخوب حسینی قویوب خنجرین بوغازینه
دیردی ئولدورورم من امامی بسم الله
.
گرکدی دهرده هر باش کسن دیه بو سوزی
اَقول اَزبَحَ مَولَی الاَنامی بسم الله
.
باخوب گوگه چاغیروب ای حسینون اللهی
بویور گله او شه مستطامی بسم الله
.
دیردی لطفیله ایله قبول مِنکَ ولیک
سنه عیاندی بو قربان مقامی بسم الله
.
دیدی که صبر ایله تا بیر شهادتین دیوم
مدینه دن چاغیروم من آنامی بسم الله
.
بویوردی اشهدان لااله الاالله
گل ایندی ذبح ایله بو تشنه کامی بسم الله
.
نقدر قانی آخاردی مداد سرخ کیمی
یازاردی غیب الیله بو نامی بسم الله
.
اونون دالینجا یازوب قانیله یره العفو
باغیشلا ساخلیا هرکیم عزامی بسم الله
.
چیخوب جدایه باشی باشلیوب اودم قرآن
دیوب قباقجا لب لعل فامی بسم الله
.
نهیب لشگره ووردی اودمده شمر لعین
چاغیردی کوفه ایله اهل شامی بسم الله
.
حسینی من یره یخدوم باشین سوسوزکسدوم
قالوبدی ظلمولرون ناتمامی بسم الله
.
سوار اولون آتوزا آت چاپون ایدون پامال
بو پاره پیکری لحم و عةامی بسم الله
.
سکینه زینبی سسلردی دورما گل ایشیگه
ایاقلادولا بو بیکس آتامی بسم الله
.
ووروبلا نعشینه دورت مین یارا بدن داغیلوب
که نعل مرکبه قالموب دوامی بسم الله
.
الین قویاندا بیر آت سینه سینه سس گلدی
بودور امام اولانون احترامی بسم الله
.
گل ای امام زمان نور شعشانی حق
دوتوبدی عالمی ظلمون ظلامی بسم الله
.
قالوبدی یرده ستمله ئولنلرین قانی
اویات نیامده یاتمش نیامی بسم الله
.
علی اکبر ناکام روحینی قیل شاد
سپاه کینه دن آل انتقامی بسم الله
.
بو آستانه دخیلم دخیل یا مولا
اماندی رد ایلمه التجامی بسم الله
.
.
.
#حسینیه_دخیل
#حسینیه_شهادت
#اقول_مبتداء_بالکلامی_بسم_الله
#ترکی
.
#زبدةالاشعار
.
: @nohe_torki
نظر دهید