زبدةالاشعار

دست ظُلّامیله باغلاندی عدالت قاپوسی #فاطمیه_انور_اردبیلی

شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
دست ظُلّامیله باغلاندی عدالت قاپوسی
یاندی ظلم آتشینه شاه ولایت قاپوسی
.
.
ختم پیغمبر او معصوم ازل شمس هدا
راه ارشادیده عمرین ایلدی خلقه فدا
تاپشوروب أمته ثقلینی ایدوب میل بقا
نچه گون قالمادی عالمده سلامت قاپوسی
.
.
باب اقدس که خلایق اونا تیکمشدی گوزون
مشکلاته دوشن ایلوردی پناهنده اوزون
افتخاریله قویوردی ملکوت اهلی یوزون
یر و گوی اهلینه اولموشدی زیارت قاپوسی
.
.
ثاننی عشق خلافت او قدر ایتدی جری
باشنه جمع ایلدی مردم اخلالگری
قهریله ووردی، سسه گتدی او پاکیزه دری
دادینه سسلدی زهرانی امامت قاپوسی
.
.
قاپیا گلدی خانم فاطمه ام النّجبا
گتورون ال دیدی بیزدن ندی بو جور و جفا
بلموسوز ئولموش آتام ختم نبی خیر ورا
ماتم آلوده اولوب آل رسالت قاپوسی
.
.
یاسلیا حرمت ایدلّر نه که تهدید و عتاب
نه جسارتله ایلورسن قاپومی دقّ الباب
خانۀ وحی دگل بو مگر ای خانه خراب
آچمیوب اهلی سیزه یا که سعادت قاپوسی
.
.
قدس و تقوا بو ایوون حاصلیدور حرمتی وار
لافتا شاهی کیمی قبله سنون زینتی وار
ذات یکتایه بو ایو صاحبنون نسبتی وار
کعبه تک لازمه دور اولسون حفاظت قاپوسی
.
.
ای قریشون رجل رذلی بداندیش زمان
صاحب بیعتی مظلوم ایلدون باری اوتان
روح پر شور رسول اللهی ایتمه نگران
بوندان آرتوق بیزه گل آچما عداوت قاپوسی
.
.
سنگ خارایه نجه ایتمز اثر باد سحر
ثانیه ایتمدی زهرا سوزی بیر ذرّه اثر
ظلم اودون ووردی فضا سمتنه قوزاندی شرر
یانماقا باشلادی خاتون قیامت قاپوسی
.
.
قهریله باب همایونه ویروب ثانی تکان
او تکانون اثریندن یر و گوی آغلادی قان
لحد آلتندا خدیجه دیدی جان فاطمه جان
یوزوه آچدی فلک رنج و ملالت قاپوسی
.
.
ای بلن محنت حدیثی گلیله خار سوزون
اهل دل اولسون اگر درک ایله دلدار سوزون
سینۀ حضرت زهرائیله مسمار سوزون
نجه گور فاطمه دن اولدی خجالت قاپوسی
.
.
بار الها بو ستم باغریمی دوندردى قانا
صدف طاهره ده درّ یتیم اولدی فنا
محسنون اولمادی امکانی دیسون ئولدوم آنا
غنچۀ عمریمه باغلاندی طراوت قاپوسی
.
.
زندگی اولمادی قسمت منه ای مونس جان
غنچه وقتمده باشی باغلی منی قویدی خزان
گاهوارم قره تپراق اولی ای فخر زنان
قاتلیم ثانی منه آچدی جنایت قاپوسی
.
.
یوزومی سن گوره سن قویمادی بخت سیهیم
طفل معصومدوم هر چند یوخیدی گنهیم
آستانون آنا جان اولدی منیم قتلگهیم
نه روا مدفنه تبدیل اولا حاجت قاپوسی
.
.
ثاننون ضربتنون ای آنا سوء اثری
سنی یخدی یره اولدى منچون جان خطری
باری امدادیوه تئز سسله شه دادگری
یوزووه مهلکه ده آنسون حمایت قاپوسی
.
.
سندیروب ظلمیله پهلولرووی قوم ظلام
اوزوه رحم ایله ای مام برازنده مقام
قنفذون قمچسنه سنده آنا یوخدی دوام
گلسه اول ظالم آچار ظلم و اهانت قاپوسی
.
.
«انورا» ثانی سالوب خانۀ اسلامه فساد
نقدر اهل لجاجت ایده جک ایتسون عناد
شاهدی واردی خانم فاطمه نون یوم معاد
وئره جک دادگه حقده شهادت قاپوسی
.
.
#فاطمیه_انور_اردبیلی
#فاطمیه_شهادت #مردان_جاوید
#دست_ظلامیله_باغلاندی_عدالت_قاپوسی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دِئمه مجنونه دَلی بلکه ده لیلا دَلی دور #کربلا_محمد_وهابزاده

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی