الا ای یاور و غمخوار هر بی یار مهدی جان #مهدیه

یا مهدی

.

زبدة الاشعار

.

: @nohe_torki

.

ابوالفضل فرهنگی

.

الا ای یاور و غمخوار هر بی یار مهدی جان

گوزل آدونله باشلاندی گنه اشعار مهدی جان

.

دلیم قاصر قلم عاجز ئوزوم وصفونده آواره

نظرسال طبع شعر اولسون بوزاره یار مهدی جان

.

یولون بیرعده لر گوزلور نه نیتله خدا بیلسون

سنه هم منتظردور یار هم اغیار مهدی جان

.

ئوزون آگاه سن چوخلار یالاندان دعوت ایلوللر

چوخی ظاهرده اولموش دینه پرچمدار مهدی جان

.

بو مردم کوفه اهلیندن اگر پیسدور ویا یاخچی

بوقشره سن ئوزون سن بهترین معیار مهدی جان

.

اگر عجل ولیک لر دوز اولسیدی بو عالمده

ایدردی بیر نظر حتما حق غفار مهدی جان

.

باخان یوخدور احادیثه ندن همسایه حقینده

بیورموش فاطمه الجار ثم الدار مهدی جان

.

مسلمان گر مسلمان فکرینه قالسیدی دنیاده

جنایتکاره یول اولمازدی چوخ هموار مهدی جان

.

مسلمانلاردا گر بیرلیک ویا دوز همت اولسیدی

جسارت ایلینمزدی بیزه اشرار مهدی جان

.

اگر دیلده دین علمه عمل ایتسیدی هر عالم

چکیلمزدی فساده کوچه و بازار مهدی جان

.

دیینمم گلمه،گل، اما بوگونلر کوفه دور هریر

بودور قورخوم که عاشورا اولا تکرار مهدی جان

.

دیینمم خانۀ امن الهیدن ظهور ایتمه

او یردن گلماقوندا وار مهم اسرار مهدی جان

.

ولی بیت اللهین دورین آلوب الآندا بیرعده

علینون حقنی غصب ایلین کفار مهدی جان

.

او ظالملربیری الآندا مین بیر ابن ملجمدی

ایدوبلر مکه نین شهرینده استقرار مهدی جان

.

اولار نسل ابوجهل و ابوسفیان بی دیندی

نه اینکه میثم تمار ، یا عمار مهدی جان

.

دلیلم وار ندن نسل ابوجهل و شیاطیندی

حریم اللهی تسخیر ایلین فجار مهدی جان

.

بودور منطقلری هرکیمسه ئولدورسه نچه شیعه

اونا جنت اولور واجب هزاران بار مهدی جان

.

بیله فتوانی هیچ شیطاندا ویرمز سهلیدور انسان

بولار مفتی دیندور یا جنایتکار مهدی جان

.

بودور نیتلری شیعه جهاندا قطع نسل اولسون

بو حجاج ابن یوسفلر که چکمش جار مهدی جان

.

ایدوبلر کعبه دورینده کمین اول بی مروتلر

یولیوی گوزلیور اشرار بی مقدار مهدی جان

.

همان کسدور اولار جبراً جوان ئولدوردی زهرانی

علینون حقنی اوللار ایدوب انکار مهدی جان

.

ولی ایران جوانلاری ئوز عشقین ایلیوب ثابت

سنه عاشقدیلر سلمان و بوذر وار مهدی جان

.

سنون عشقینده سکز ایل جوانلار دینه قان ویردی

سنون عشقونله پیروز اولدولار هر بار مهدی جان

.

سنون عششقینده همتلر ایدوب همت شهید اولدی

اولوبلار تیپ و گردانلاردا سردمدار مهدی جان

.

سنون ایرانیلار اوچ یوز اون اوچ انصاریوه قربان

سنون عشقونده بیزلر اولموشوک بیمار مهدی جان

.

اگر ممکندی مولاجان ظهور ایتدون گل ایرانه

اگرچه بوردادا چوخدور خیانتکار مهدی جان

.

ولیکن دوزگون عاشقلر خیانتکاره یول ویرمز

خیانتکاره یول قویماز اولا هموار مهدی جان

.

خراساندا اوجا صوتیله گل سسلن اناالمهدی

به امر حضرت ذات حق دادار مهدی جان

.

اناالمهدی دیدون صبرایله گور ایرانیلار نیلور

نجه جانین سنه قربان ایدور زوار مهدی جان

.

عربلر میهمان کشدی ولی بیز میهمان پرور

بونی ثابت ایدوب ایرانیلار بسیار مهدی جان

.

عربلردن چوخی الآندا بی دین، بی لیاقتدی

اولار که شیعه مذهبدن اولوب بیزار مهدی جان

.

عربده غیرت اولسیدی علینون حقی باتمازدی

منافقلر ایدنمزدی اونا آزار مهدی جان

.

اگر بیر مختصر همت اولیدی یثرب اهلنده

پیمبر زاده اولمازدی دچار نار مهدی جان

.

.

#مهدیه

#الا_ای_یاور_و_غمخوار_هر_بی_یار_مهدی_جان

#فرهنگی

#ترکی

.

#زبدةالاشعار

.

: @nohe_torki