زبانحال حضرت قاسم بن حسن (ع)
در حال وداع خطاب به مادرش
.
.
#سبک_ای_آسمان_غمون
.
.
مرحوم تائب تبریزی
.
.
یالواردیم عجز ایلدیم شاه حجازه آنا
قانه بویانماقیما آلدیم اجازه آنا
فرمان یازوبدی آتام دین اوسته قانه باتام
قربان ائدم اؤزومی شاه حجازه آنا
.
.
خوشدور که همره اولام حق یول گئدنلریله
دین اوسته جان لارینی قربان ائدنلریله
سن هم نشین اولاسان اوغلی ئولنلریله
بیر عمر تاب ائده سن سوز و گدازه آنا
.
.
خوشدور اله آتامون منظورینی گتورم
بو چولده قافلۀ عشقی گئدوب یتورم
اکبر کیمی بدنه سانسیز یارا گوتورم
همرنگ اولام او گل گلزار نازه آنا
.
.
لیلادن ایمدی گرک سرمشقیوی آلاسان
بو گون الونلَه کفن بو قامته سالاسان
من قانیمه بویانام سنده ملر قالاسان
لیلا کیمی یته سن بو امتیازه آنا
.
.
من شایقم آناجان درک شهادتیمه
ایله دعا یولا سال احسن دی همّتیمه
اکبر آناسینا باخ دوز درد فرقتیمه
عمرونجه عادت ایله هر سوز و سازه آنا
.
.
مندن ال اوز آناجان من ترک ایتملیَم
احباب دوشدی یولا آردینجا گیتملیَم
یول گوزلور ایمدی اولار اونلاره یتملیَم
راز اهلى یتمَه لیدور چون اهل رازه آنا
.
.
لازمدی سینَه مَه اوخ سنبل کیمی دوزوله
صد چاک اولا بدنیم عضو عضودن اوزوله
بو قاره تللریمین قانی یوزه سوزوله
گلرنگ ائده یوزومی اول خون تازه آنا
.
بیله ایتیرمه آنا سن ایمدیدن اؤزیوی
من ئولمه میش پوزولوب آزما بیله سوزیوی
یول اوسته دور او زمان دولدور بوشات گوزیوی
گورسَن عموم گتورور قانلو جنازه آنا
.
.
بوللّم که اولمیا جاق فرصت بو چولده سنه
شوریله اوخشیا سن بو نامراد ئولَنَه
بیر عمر گئت آناجان آغلا وطنده منه
شرح ائت مصیبتیوی اهل حجازه آنا
.
.
بو خانوادیه سال «تائب» دخیل ئوزیوی
دست عطالرینه تیک صدقیله گوزیوی
چوخ اجری وار سنه یاز دفترده بو سوزیوی
یالواردیم عجز ایلدیم شاه حجازه آنا
.
.
#قاسمیه #تائب_تبریزی #قاسمیه_شهادت #ترکی #زبدةالاشعار
نظر دهید