سلام و صلوات بر حضرت ام البنین (س)
.
✍️ #زبدةالاشعار ✍️
.
🆔: @nohe_torki
.
حاج داود بیدق داری
.
السلام ای حضرت ام البنین
السلام ای اسوه ی صبرویقین
.
السلام ای شاه عشقین همسری
ملک عزت باغینون گلپروری
.
سوزلرون یادآور کرب وبلا
دورد شهیده دامنون دانشسرا
.
روحیوی مولایه تسلیم ایلدون
دورد اوغول قرآنه تقدیم ایلدون
.
زینب کبرا سلام ایلر سنه
یوسف زهرا سلام ایلر سنه
.
روح جنتدور گل یاسون خانم
باب حاجات اولدی عباسون خانم
.
نالووه اهل مدینه آغلادی
حالوی گوردی سکینه آغلادی
.
آغلیوبسان غم چخوب اندازه دن
دوشدی یاده نهرعلقم تازه دن
.
سسلدون سن یا ابالفضل امین
آغلاشوبدی سنله زین العابدین
.
هرآنا ئولسه دئدون ای باوفا
اوغلی ایلر مجلس ماتم بپا
.
درد وغم اولدی وجودیمله عجین
بی بنین اولدی اوغول ام البنین
.
تیرآهیم غم سحابین دلمدی
دورد اوغولدان بیرنشانه گلمدی
.
آغلیاندا زینب والا مقام
اوخشیوردی ای علمدار همام
.
افتخار ایلر همیشه ام و اب
نهری آلدون قالدون اما تشنه لب
.
سن نقدری ساخلیابیلدون علم
ظلم یغمادن اماندیدی حرم
.
باخدی حیرتله سنه چشم زمان
نهری آلدون ایچمدون اما سودان
.
گون باخوبدور آی کیمین رخساریوه
رشک آپاردی غیرت سرشاریوه
.
عشقیلن مشق شجاعت ایلدون
مشک چیگنونده قیامت ایلدون
.
حیف اولا دام رذالت قوردیلار
نار غمده عالمی یاندیردیلار
.
تانفس واردی بوغمده آغلارام
آتش حرمانیده دل داغلارام
.
کیم گوروب دنیاده اولسون حمله ور
بیرعلمدار اوستونه دورد مین نفر
.
مشکه اوخ دگدی جالاندی سویره
دوردی سقا، ووردی دشمن دایره
.
میزبانلار کسدیلر مهمان یولون
تیغ ظلمیله سالوبلا صاق قولون
.
سسلدی ای دست چپ سن تاب ائله
بیوفالر نقشه سین برآب ائله
.
گرعلم دوشسه آقام غمگین اولار
آل زهرا گلشنی غمدن سولار
.
عمریده منت بیریندن چکمدیم
هچ کیمین احسانینه گوز تیکمدیم
.
ایندی اماحاضرم یالوارماقا
سن تلاش ایله بدنده قالماقا
.
بوعلم سرمایه ی جاندور منه
همت ایله احتیاجیم وارسنه
.
یاندی عالم تشنه سقا داغینه
ظلمیله صول قول قوشولدی صاغینه
.
باخدی اخیامه حسینه نورعین
سسلدی دوشدی علم تئز گل حسین
.
#حضرت_ام_البنین
#السلام_ای_حضرت_ام_البنین
#بیدقداری
#ترکی
.
✍️ #زبدةالاشعار ✍️
.
🆔: @nohe_torki
نظر دهید