خوش آمد و بدرقۀ دستجات عزاداری
.
✍️ زبدة الاشعار ✍️
?: @nohe_torki
.
کریمی مراغه ای
.
السّلام اهل عزاخانه سلام
هیئت شاه شهیدانه سلام
.
سینه زنجیر ووران نوحه دین
صاحب خرجیله احسانه سلام
.
آغلیان قاره گین خدمت ائدن
نوکران شه عطشانه سلام
.
کربلاده سوکنارینده یاتان
قولسوز عباسه صمیمانه سلام
.
دوغرانان ظلمیله خنجرلریله
داغیلان پیکر عریانه سلام
.
نیزه‌ده کوفه‌ده قرآن اوخیان
یارالی قاری قرآنه سلام
.
او یانان خیمه‌ده مظلوم ئولنه
دوتولان شام غریبانه سلام
.
صرصر جور وجفائیله سولان
پوزولان باغ‌وگلستانه سلام
.
نعشلراوسته آچان باشلارینی
زینبه لیلی نالانه سلام
.
یارالی سینه‌لر اوسته توکولن
تل به تل زلف پریشانه سلام
.
دیوه تسلیم ائدن انگشترینی
او سخاوتلی سلیمانه سلام
.
بوغازیندان دگن اوچ پرلی خدنگ
آلتی آیلق قوزو قربانه سلام
.
سیلی‌لردن قزاران چهره‌لره
قان دولان دیدهٔ گریانه سلام
.
کوفه‌ده مطبخ خولی‌ده یاتان
کوللر اوستونده‌کی مهمانه سلام
.
من«کریمی»سحر آخشام دیرم
کربلاده توکولن قانه سلام
.
#سلام_خداحافظی_دستجات
#ورود_محرم
#کریمی_مراغه_ای
#ترکی
.
✍️ #زبدةالاشعار ✍️
?: @nohe_torki
نظر دهید