نقدر چکدی مصیبت جهاندا امّتدن #پیامبراسلام_کاتب_اردبیلی

شهادت حضرت پیغمبر (ص)
.
✍️ #زبدةالاشعار ✍️
.
🆔: @nohe_torki
.
مرحوم کاتب اردبیلی
.
نقدر چکدی مصیبت جهاندا امّتدن
ولیک شِکویه دل آچمادی مروّتدن
.
اگرچه امّتینه تاپشوروبدی عترتینی
ولى بروزه گتوردی عمر عداوتینی
.
پیمبرون قاپوسین یاندیراندا ثانی دون
سینوب قابورقالاری فاطمه اولوب محزون
.
فدک هواسینه دوشدی عمر او کان جفا
علینی قولّاری باغلی گتوردی مسجد آرا
.
بو باعث اولدی که صفّینده قوم سفیانی
ویروبلا مکریله نوک جدایه قرآنی
.
وفات ائدنده رسول خدای کون مکان
على ائدردی او شاهه تلاوت قرآن
.
حسین ئولنده ولى آلدی دوره سین عدوان
بیریسی اولمادی قیلسون تلاوت قرآن
.
وفات ائدنده پیمبر على اولوب گریان
حسین ئولنده قالوب اوچ گون اوچ گئجه عریان
.
.
وفات ائدنده پیمبر قرا گیوب امّت
حسین ئولنده ائدوبلر خیامینی غارت
.
وفات ائدنده نبی آغلاریدی روح الامین
حسین ئولنده اولوب آغلیانی خنجر کین
.
وفات ائدنده نبی دوتدی محنت آفاقی
ولی حسینه حنوط اولدی قانلی تورپاقی
.
وفات ائدنده نبی غم دوتوبدی دنیانی
حسین ئولنده اولوب غسلی اوز قزل قانی
.
رسول اکرمه قورمیشدیلا عزاخانه
حسین ئولنده باتوب پیکری قزل قانه
.
رسول اکرمه شیر خدا دوتوب ماتم
حسین ئولنده آرایه آلوبدی قوم ظُلم
.
وئروبدی غسلینی پیغمبرون شه مردان
حسین ئولنده ولی غسلی اولدی قرمزی قان
.
پیمبری نه جلالیله دفن ائدوب شه ناس
حسینه قویمادیلار اهل بیتی دوتسون یاس
.
.
#پیامبراسلام_کاتب_اردبیلی
#پیامبراسلام_شهادت
#نقدر_چکدی_مصیبت_جهاندا_امتدن
#ترکی
.
✍️ #زبدةالاشعار ✍️
.
🆔: @nohe_torki