مدح حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
حاج غلامرضا عینی فرد زنجانی
.
السّلام ای روح پیغمبر خانم یافاطمه
مرتضایه یاور و همسر خانم یافاطمه
.
.
سن او زهراسن سنه خاطر پیمبر خلق اولوب
انبیا و اولیا مردان دیگر خلق اولوب
لاجوردی آسمان و ماه و اختر خلق اولوب
ذره نوروندان امواج ملک لر خلق اولوب
کائناته اولموسان محور خانم یافاطمه
.
.
سن او زهراسن جلال الله جلالوندور سنون
اون بر اولدوز برج عصمتده کمالوندور سنون
یرده مرآت خداوندی جمالوندور سنون
سرور مردان عالم تک بلالوندور سنون
شه دی اولدی کیم سنه نوکر خانم یافاطمه
.
.
هیچ دگل انصاف آدون شاعر گتورسون بی وضو
بی وضو شاعر اولار توخالی بشکسته سبو
وار گمان روح القدس اولماز اونیلان روبرو
بو وضو یعنی ولایت قلبیده اولسون نه سو
دستمازی اولسادا بهتر خانم یا فاطمه
.
.
مدحتوندن دللر عاجزدور قلمده وار قصور
نُور سَن شکل بشرده ایلدون امّا ظهور
ایلیوب تعریف قرآندا سنی حی غفور
مُشتق اوز نوریندن ایدوب سنی الله نور
نورون ایلیوب عالمی انور خانم یافاطمه
.
.
باشیمه ال چکسه مولا سوزلریم زیبا اولار
گوزلریمده اشگ آدنلی دُرّلر پیدا اولار
یوخ لیاقت منده اما ایستسه زهرا اولار
بی ریا یازسام گلر مهدی بورا غوغا اولار
بلمم الان هاردا اول سرور خانم یا فاطمه
.
.
کینه و بغضی ئورکدن پاک ایدنمز دستماز
گر ولایت اولماسا اولماز ئورکده سوز و ساز
غرق دریای ولایتدور جهاندا اهل راز
اولماسا حبّ علی دلده قبول اولماز نماز
روح ایماندور شه خیبر خانم یا فاطمه
.
.
سخت کوشان عالم سسلنوبلر لافتی الا علی
ایلیوب لطف و عنایت شیعیه مولا علی
عاجزانه سسلورم منده بو ساعت یاعلی
دوت الیمدن ای اولان پیدا و ناپیدا علی
سنده تاپشور لطف ایده حیدر،خانم یا فاطمه
.
.
من سنه سوز یازمورام تا عالِم و عالَم سویه
یا منیم شعریمله آیری شاعرین شعرین دویه
من فقط فکر ایلورم قبر آدلی وحشتلی ایوه
ایسته سه الله اوجالدار بنده سین یردن گویه
ئوزگه لرده یوخ بو قدرتلر خانم یا فاطمه
.
.
آلما «عینی فردیدن» تاثیر انشا و کلام
سنده دور دنیا و عقبا اعتباراتی تمام
گوندرر هردم او گزلین قبریوه بوردان سلام
قبریوه مهمان ایله ای بانوی ذوالاحتشام
آدیوی دلده ایدیب ازبر خانم یا فاطمه
.
.
.
#فاطمیه_مدح
#السلام_ای_روح_پیغمبر_خانم_یافاطمه
#عینی_فرد
#ترکی
.
✍️ #زبدةالاشعار ✍️
.
🆔: @nohe_torki
نظر دهید