الله الله یتیشوب شاهه شهادت گئجه سی #شب_عاشورا_رضوی_زنجانی

شب عاشورا
..
..
..
#سبک_یارالی_جان_یارالی … 4 سبک
#سبک_ای_منیم_آرخام_ایلیم
(واگیر برای این سبک : هم ریاضت گئجه سی / هم عبادت گئجه سی / سقّایه محنت گئجه سی / شاهه شهادت گئجه سی)
مشابه
..
..
..
رضوی زنجانی
..
..
..
الله الله یتیشوب شاهه شهادت گئجه سی
آل طاهایه ولی اولدی قیامت گئجه سی
..
..
..
رشک ائدور خیمه گه حضرته دشت عرفات
شب عاشور حسیندی اوتانور آب فرات
صبح آچیلسا اولاجاق دشت بلاده عرصات
آل طاهایه اولوب گرچه عبادت گئجه سی
..
..
..
کربلا یکسر اولوب دشت غم افزا بو گئجه
هلهله بسکه ائدور لشگر اعدا بو گئجه
ایلیور ناله خانم حضرت زهرا بو گئجه
اهل بیته بو گئجه اولمادی راحت گئجه سی
..
..
..
گرچه معناده دیور وای بالا زهرای بتول
زینب اولموش بو گئجه گرچه پریشان و ملول
آغلاشوبدور بو گئجه یاتمادی اولاد رسول
خردا قیزلاره اولوب گور نه ریاضت گئجه سی
..
..
..
زینبین قلبینه غملر غمین اوستن قالانور
خردا قیزلاره باخور خانه ی صبری تالانور
خیمه لر دورینی عباس اوزی گر چه دولانور
اولوب عباسه ولی گور نه سَقایت گئجه سی
..
..
..
بو گئجه اصغره لای لای دیوری غملی رباب
اصغرین حالی ائدوبدی آنانی قلبی کباب
سو دیین چوخدی ولی سؤزلرینه یوخدی جواب
سو اوزی باخدی علی اصغره حسرت گئجه سی
..
..
..
آنانون سینه سینه دیرناقون از بسکه چالوب
قوریان سینه ده دیرناقلارینون ردّى قالوب
طاقت قلب ربابی بو گئجه الدن آلوب
چرپینوب یاتمادی اؤل صبح سعادت گئجه سی
..
..
..
هی دئدی اصغرینه غملی آناسی بالا یات
دردیوین یوخدی داخى الده دواسی بالا یات
آلتی آی منزلیمین نوری، صفاسی بالا یات
اصغریم اولدی سنه گور نه ملالت گئجه سی
..
..
..
خیمه لرده بو گئجه ایچماقا سو یوخدی بالا
عوضینده گوروسن غصه و غم چوخدی بالا
باخیشون قلب ربابه ائله بیل اوخدى بالا
صولموسان گل کیمی سن ایندی بو فرقت گئجه سی
..
..
..
ابر غم گرچه دولار سن کیمی هئچ دولماز اوغول
سنه لای لای دئمه دن خسته رباب اولماز اوغول
باغباندا سو اولا غنچه سی تئز سولماز اوغول
یوخدی سو تشنه لیگین ایندی بو شدت گئجه سی
..
..
..
حالیوه گویده ملک لرده اورک داغلار اوغول
اشگ غصه بو گئجه یوزلرینه باغلار اوغول
آغلیان وقتیده سن غملی رباب آغلار اوغول
ناشر غصه یازان غملی کتابت گئجه سی
..
..
..
وای ربابین گونونه غملر الینده قالاجاق
بو بیابان بلا چون سنی مندن آلاجاق
سنی غم غصه سحر گر چه کمنده سالاجاق
سنی گوزلر «رضوی» باخ اونا رحلت گئجه سی
..
..
..
#شب_عاشورا #رضوی_زنجانی #ترکی #زبدةالاشعار