میلاد حضرت زهرا (س)
.
✍️ #زبدةالاشعار ✍️
.
🆔: @nohe_torki
.
#جمال_حبیبی_زنجانی
.
.
الله اکبر دخت پیمبر
زهرای اطهر دنیایه گلدی
خاتون محشر طاهایه زیور
هم کفو حیدر دنیایه گلدی
زهرا گلوبدی …
زهرا یا زهرا …
.
.
.
شیعه بشارت کنز شرافت
دریای عصمت گلدی جهانه
پای وئردی یزدان اولدی گلستان
شهر مدینه دوندی جنانه
سسلیر ملکلر بو روز #مادر
اولسون مبارک صاحب زمانه
برج حیاده ماه منور
رخشنده اختر دنیایه گلدی
زهرا گلوبدی …
زهرا یا زهرا …
.
.
.
دلبند طاها تندیس تقوا
ام ابیها زهرادی زهرا
صاحب جلالت کان سخاوت
مهر تولا زهرادی زهرا
الگوی ایثار دینه هوادار
غمخوار مولا زهرادی زهرا
زینت جهانه مالک جنانه
معنای کوثر دنیایه گلدی
زهرا گلوبدی …
زهرا یا زهرا …
.
.
دردانه دور بو ریحانه دور بو
بنت الخدیجه فخرالملکدی
همتاسی یوخدی ام الائمه
زینب آناسی دنیاده تکدی
عالم فداسی طاها بالاسی
زهرانین آدی سینمده حکدی
جمع کساده آل عباده
دلدار و دلبر دنیایه گلدی
زهرا گلوبدی …
زهرا یا زهرا …
.
.
.
شان و شرفده اصل و نسبده
هیچ کس عزیز طاهایه چاتماز
سارا و لعیا هاجرله حوّا
دوزدور کی امّ عیسایه چاتماز
سارا دگول بو لعیا دگول بو
شوکتده مریم زهرایه چاتماز
مولا حسینه نور دوعینه
عزتلی مادر دنیایه گلدی
زهرا گلوبدی …
زهرا یا زهرا …
.
.
.
عاجزدی خامه وئرسون ادامه
دخت رسولین حسن کمالین
گلمز بیانه عرش آشیانه
ام الحسندی یازسام جلالین
نور ازلدی گولدن گوزلدی
هیچ کس گورنمز گون تک جمالین
یالوار #حبیبی دردون طبیبی
خاتون محشر دنیایه گلدی
زهرا گلوبدی …
زهرا یا زهرا …
.
.
.
.
.
.
#سبک_اکبر_گلوبدی
.
.
#فاطمیه_میلادیه
#الله_اکبر_دخت_پیمبر
#جمال_حبیبی_زنجانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید