الوداع ای امتیم، دنیانی تاپشوردوم سیزه #پیامبراسلام_نادری

شهادت پیامبر اسلام صلی الله علیه و آله
.
زبدة الاشعار
.
: @nohe_torki
.
مرحوم نادری میانجی
.
الوداع ای امتیم،
دنیانی تاپشوردوم سیزه
جان سیزین جان عترتیم،
قرآنی تاپشوردوم سیزه
.
.
دوزدی من پیغمبر‌م، نازل اولوب قرآن منه
عازمِ راهِ بقایم چون یتیب فرمان منه
منتظر دیر عدن ده، دروازه ی رضوان منه
دینی تکمیل ائتمیشم ایمانی تاپشوردوم سیزه
.
.
امتیمدن حکمِ قرآنه اطاعت ایستر‌م
عتر‌ت و اولادیمه سیزد‌ن حمایت ایستر‌م
چون امانتدیر بولار، روزِ قیامت ایستر‌م
حرمتِ قرآنیلن زهرانی تاپشوردوم سیزه
.
.
چون حسینیله حسن دیر جانِ شیریند‌ن عزیز
حوریان حسر‌ت چکر، اولسون بو طفلانه کنیز
قویمیون مند‌ن سورا دنیاده اولسون اشک ریز
هر ایکی جنت گولی ، ریحانی تاپشوردوم سیزه
.
.
قویمیون آثارِ غم یتسین دلِ ناشادیمه
ایلیون حرمت جهاندا سیز منیم اولادیمه
وورمیون مند‌ن سورا اود خانۀ بر بادیمه
دودمانِ عترتِ طاهانی تاپشوردوم سیزه
.
.
دین یولوندا چوخ چکیب زحمت عمیم اوغلو علی
حرمتی واجبدی چون الله اونو ائتمیش ولی
مظهرِ کلِ عجایب دیر ولی الله علی
من ولی الله تک مولانی تاپشوردوم سیزه
.
.
اوصیا و اولیانین چون علی اولاسیدیر
هرکسه مولا ایدیم، ایندی علی مولاسیدیر
دینه پرچمدار اولان، اول همّتِ والاسیدیر
اهل عیالیلن شهِ مردانی تاپشوردوم سیزه
.
.
قویمیون غمده قیزیم کلثومی سینه داغلاسین
زینبی چوخ ایستر‌م، قویمون جهاندا آغلاسین
من خداحافظ سیزی ای امت الله ساخلاسین
بالاخص من زینبِ کبرانی تاپشوردوم سیزه
.
.
وار یئری عرض ائیلیک، بیز ای رسولِ عالمین
کاش اولیدین کربلاده ذبح اولان وقته حسین
تا گوریدین زینبین عرشه سالیبدیر شور و شین
امر ائدِیدین کوفیان سلطانی تاپشوردوم سیزه
.
.
.
.
#سبک_زینبم_جان_اوستیم
#سبک_یه_سوال_دارم
#سبک_اذن_ویر_یارب_گله و ….
.
.
.
#پیامبراسلام_شهادت
#الوداع_ای_امتیم_دنیانی_تاپشوردوم_سیزه
#نادری
#ترکی
.
#زبدةالاشعار
.
: @nohe_torki