عزای پیامبر اسلام صلی الله علیه و آله
.
✍️ زبدة الاشعار ✍️
.
🆔: @nohe_torki
.
ابوالفضل عباسی معروفان
.
آغلا ای دل عزای خاتمدی
ماتم غم فزای خاتمدی
.
عرش و فرش و عوالم امکان
جمله ماتمسرای خاتمدی
.
گؤیلره قاره عرشیان چکدی
یعنی غمگین ٬ خدای خاتمدی
.
انتهای صفرده ائتدی سفر
سفر منتهای خاتمدی
.
آیریلوب خاندان عصمتدن
غرق محنت سرای خاتمدی
.
بیر طرفده شهیده فاطمه سی
بیر طرفده اخای خاتمدی
.
فاطمه سسلنور بابام ایوای
اشک محنت به پای خاتمدی
.
یادینه هی دوشور او غملی زمان
گوش جاندا صدای خاتمدی
.
آغلیاندا دییردی نازلی قیزیم
غم یئمه چون رضای خاتمدی
.
قوی بهشت عطرینی آلیم سندن
عطر جنت سزای خاتمدی
.
بو خبر که دم وداع دیورم
خبر پر بهای خاتمدی
.
من ئولندن صورا ملول اولما
گرچه غم مبتلای خاتمدی
.
سنده مندن صورا مسافرسن
سفرین پا به پای خاتمدی
.
قوئ دئسونلر جوان ئولن زهرا
دختر با وفای خاتمدی
.
اودی زهرا همیشه آغلاردی
اشک شوقین عذاره باغلاردی
.
اگلشردی او غملی منزلده
دیزلرین غصه دن قوجاقلاردی
.
تلسردی وصاله تئز چاتسون
ال ثنا و دعاده ساخلاردی
.
دشمنین شدت جفاسیندن
آغلیوب کایناتی داغلاردی
.
چون بیلوردی آز عمر ائدر هردم
زینبین تللرین داراقلاردی
.
حسنینون ئوپردی لبلرینی
خاطره دفترین وراقلاردی
.
آگهیدی او بیت الاحزاندان
گئتسه زهرا قالان اوشاقلاردی
.
اودی آغلاردی حال مولایه
هر گئجه غصه دن سایاقلاردی
.
عاقبت روز وصل یار اولدی
پرده لر سردن کنار اولدی
.
سسلدی ئوز کنیزی اسمانی
محنت و دردی آشکار اولدی
.
دئدی اسما دی سروریم گلسین
گلدی مولاده دل فکار اولدی
.
آغلادی باشی اوسته غمخواری
گؤئیا موسم بهار اولدی
.
سسلنوب یا علی حلال ایله
گر سنه غملریم نثار اولدی
.
سنده مظلوم منده مظلومم
جمله مظلومه افتخار اولدی
.
گؤزیاشی یاریه دوا یازیلا
ایندی بو امر برقرار اولدی
.
آغلا شاید ساغالدی یاره لریم
لاجرم ختم انتظار اولدی
.
سنیم اون سکگیز ئیل اولار اما
تئز قوجالدیم ز بس فشار اولدی
.
امر حقدی گئدم قوناق باباما
موسم وصلت نگار اولدی
.
غملر از بس یؤروبدی فاطمه نی
تیره چشمینده روزگار اولدی
.
بو غریبی گئجیله دفن ایله
بیلمسینلر هارا مزار اولدی
.
خانه ی خاطراتی ترک ائدورم
قبره پهلولری یارا گئدورم
.
.
#پیامبراسلام_شهادت
#آغلا_ای_دل_عزای_خاتمدی
#معروف_اهری
#ترکی
.
✍️ #زبدةالاشعار ✍️
.
🆔: @nohe_torki
نظر دهید