زبدةالاشعار

امان همان گجه دن بیر بیوک حکایتی وار #شام_غریبان #هادی_تبریزی

شام غریبان

.
✍️ #زبدةالاشعار ✍️
.
🆔: @nohe_torki
.
مرحوم هادی تبریزی
.
امان همان گجه دن بیر بیوک حکایتی وار
همان گجه آنیه اوغلونون شکایتی وار
.
امان همان گجه دن وحشت عالمی دوتدی
یره آخان قانی کرب و بلا چولی اوتدی
.
امان همان گجه دن یر یوزی قوری قانیدی
یر اوسته منعکس اولموش سطور قرآنیدی
.
امان همان گجه دن بحر درد و غم داشدی
آنا بالا او گجه حسرتیله آغلاشدی
.
امان همان گجه دن ساربان بد کینه
بیر اوزگه ظلم ایلیوب اول شهنشه دینه
.
امان همان گجه دن صرصر خزان اسدی
حسین اللرینی اهرمن گلوب کسدی
.
امان همان گجه دن نصفی بجدل بیعار
گلوب امام حسین بارماقین کسه زینهار
.
امان همان گجه دن دوشدی حیرته ملکوت
ویریلدی جملۀ کون و مکانه حکم سکوت
.
امان همان گجه دن ویردی یل خَس و خاشاک
حسین پیکرینه اولدی بیرگوزل پوشاک
.
امان همان گجه دن نیزه قلج اوخ داش
یارالی پیکرینه صبحه تک اولوب یولداش
.
امان همان گجه دن خولی جفا پیشه
ویروبدی پایۀ اسلامه ظلمیله تیشه
.
امان همان گجه دن شه تنور ایچینده یاتوب
او قانلی عارضی خاکستر تنوره باتوب
.
امان همان گجه دن کول دولوب حسین گوزونه
باخانمیوب اودی دقتله بیر آنا یوزونه
.
امان همان گجه دن گُل یاتوب کول اوستونده
او گُل یاتانمازیدی پَرّ بلبل اوستونده
.
امان همان گجه دن زینب بلا دیده
اولوبدی درد و بلالرینده رنجیده
.
امان همان گجه دن قامتی کمان زهرا
گهی دیردی حسین گه دیردی وای لیلا
.
امان همان گجه دن اشک ما خلق آخدی
حسین قانین آغاران زلفینه خانم یاخدی
.
امان همان گجه دن آی اولوبدی خونین رو
قان ایچره مظهر انوار حق ایدوب بیتو
.
امان همان گجه دن شیر جنگ اولوب خسته
او دور که تشنه یاتوب نیزه و سنان اوسته
.
امان همان گجه یل دگنده پیکانه
دوتاردی چول یوزونی نغمه های جانانه
.
امان همان گجه دن ماتمه جهان باتدی
علی اصغر او گون قانه تشنه لب باتدی
.
.
#شام_غریبان #هادی_تبریزی
#امان_همان_گجه_دن_بیر_بیوک_حکایتی_وار
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  الله الله نه گوزلدور بالانین دیل دوداقی #مهدیه_مهدی_عابدینی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی