غدیریه
.
✍️ زبدة الاشعار ✍️
?: @nohe_torki
.
ستار رزاقی
.
امر خالق لایزالیله حجّة الوداعینده مصطفا
مسلمینه خم غدیریده بیر مهم امری ویروب ندا
.
چونکی امر اولوندی او حضرته کامل ایلسون ئوز رسالتین
عالمه یتیرسون صراحتا مرتضا علینون ولایتین
.
زائران بیت اللهیه امر ایدوب یغشسون همان یئره
تا اویئرده اوز جانشینینی اهل عالمینه نشان ویره
.
بیر اوجا مکاندا رسول حق چوخ شتابیله اولدی برقرار
تا گوره او مولانی تک به تک کاملا او صحراده هرنه وار
.
ابتدا خداوند عالمه باشلیوبدی حمدو ثناسینی
تا اله گتیرسون بو ذکریله ذات کبریانون رضاسینی
.
بعد حمد بیر خطبه باشلادی چوخ فصاحتیله شه انام
خطبه سینده بولدوردی امته دلده کی مرامین اوخوش مرام
.
آلدی مرتضانین الین اله احترامیله ختم الانبیا
قوزیوب یدالّه الین گویه سسلنوبدی ای امت ولا
.
هر او شخصه کی بو زمانه ده مقتدا و مولادی مصطفا
مرتضادی موندان صورا همان شخصه دهریده میرو مقتدا
.
بو همان علیدور کی آدلانوب شیر حضرت خالق ازل
شان و رتبه ده بو عم اوغلومی خلق ایدوبدی حق فرد بی بدل
.
بو همان علیدورکی شیرتک جنگلرده دشمن شکار اولوب
چوخ تلاش ایدیبدور زمانه ده دین حق ایچون جانثار اولوب
.
بوهمان علیدورکی خیبری فتح قیلدی چوخ افتخاریله
دشمنی سالوب خاک ذلته الده آتشین ذوالفقاریله
.
شان مرتضاده خدای حق چوخلی آیه لر نازل ایلیوب
گورنه شانه دارادی کی اونی حق بو منصبه نائل ایلیوب
.
بو همان علیدورکی شانینه کایناتین اهلین قویوبدی مات
بو علیدن اوتری خدای حق کل کایناته ویروب حیات
.
قدرت وجودی مسلّماً قدرت حق ذولجلالیدور
علم وحلم وتقواسی شوکتی بذل خالق لایزالیدور
.
مظهر کمال وعطادی بو اهل عالمه مقتدادی بو
بولسون اهل عالم بومطلبی افتخار ارض وسمادی بو
.
جان بکف کناریمده هرزمان یار مهربانیمدی مرتضا
هم برادریم هم دلاوریم هم عزیز جانیمدی مرتضا
.
مرتضادی بیر گوهر گران مثلینی گورنمز داخی جهان
ایلورم بو والا وجودی من پیشوا و مولای مومنان
.
هر اوکس کی دلدن قبول ایده مرتضا علینون ولایتین
جلب ایدوب یقینا همیشه لیق ذات کبریانون رضایتین
.
قایل اولسا هرکس ولایته دهریده یتیبدور سعادته
چخسا کیم بویولدان یقین دوشر هرایکی جهاندا ذلالته
.
تا علی یتیشدی ولایته شاد اولوب هامی اهل ماسوا
تهنیت دیوبلر او حضرته عرش و فرشین اهلی به یک صدا
.
بیزده بو گوزل گونده وار یئری هرایل ایلیاق شادی وسرور
حقدن ایستیاق تا ولایتین دشمنون ایده هر زماندا کور
.
ای خدا ائوزون قیل کرم بیزه پیرو شه تاجدار اولاق
اهل بیت و قرآن یولوندا چوخ جدوجهد ایدوب پایدار اولاق
.
بیرده سن کی رزاق سان هامی خلق اولونموشا وارعنایتین
قسمت ایله بو تیزلیقا بیزه مرتضا علینون زیارتین
.
#غدیریه
#امر_خالق_لایزالیله_حجة_الوداعینده_مصطفا
#ستار_رزاقی
#ترکی
.
✍️ #زبدةالاشعار ✍️
?: @nohe_torki
نظر دهید