اوخی سن نیزه ده قرآن حسینیم #کوفه_کریمی_مراغه_ای

ورود به کوفه
..
..
..
ـــــــــــــــــــ
#سبک_کجایید_ای_شهیدان … #سبک_جوشی_زنجیر … #سبک_بو_کیمدور_یوسف_کنعانه_بنذر …
#سبک_بیا_یابن_الحسن_آرام_جانم
واگیر برای این سبک:
حسینه عالم آغلار
رسول خاتم آغلار
نوا باشلار ملک لر
سزیلدار آدم آغلار
حسینیم وای حسینیم وای حسین وای
..
….
مرحوم کریمی مراغه ای
..
..
..
..
اوخی سن نیزه ده قرآن حسینیم
باجون قرآنیوه قربان حسینیم
حسینیم وای حسینیم وای حسین وای
..
..
..
..
عجب بوردا قوناقه باش وورورلار
حسین وای سسلینده داش وورورلار
قوناقی کوفه ده قارداش وورورلار
نیه گلدون بورا مهمان حسینیم
..
..
..
..
سن ئولدون سینه لر داغلاندی قارداش
عیالون قول قولا باغلاندی قارداش
اوخی قرآن اورکلر یاندی قارداش
منه وئر تسلیت هر آن حسینیم
..
..
..
..
باجون قربان بو لطف و اعتزازه
باجوندا قائل اولدون امتیازه
بیزه گلدون یارالی پیشوازه
دیلونده ذکر الرحمان حسینیم
..
..
..
..
منیم احوالیمی عشق اهلی آنلار
قزیشدی رگلریمده ایستی قانلار
منه تقلید ائدرلر باش یارانلار
آخار محمل یارامدان قان حسینیم
..
..
..
..
جدادن باخ منه آغلا حسینیم
دل پیغمبری داغلا حسینیم
اوزون گل یاره می باغلا حسینیم
اولوبدی ساچلاریم الوان حسینیم
..
..
..
..
خراب اولسون گوروم بو شهر کوفه
جفادن دوشمیشم گون تک کسوفه
دوشوب ماه بنی هاشم خسوفه
ابوالفضلیم ئولوب عطشان حسینیم
..
..
..
..
ایکی یول سالمیشام یول بو دیاره
بیرینده ناز ائدردیم روزگاره
بیرینده دست بسته باشدا قاره
زمانه قویدی سرگردان حسینیم
..
..
..
..
هانی بس ال ایاقیمدن اوپنلر
نه اولدی باشیمه گللر سپنلر
آتورلار داش تماشایه گلنلر
منی خوار ایلدی دوران حسینیم
..
..
..
..
یارالی سنده خسته منده خسته
منیم قلبیم سنیق سن سرشکسته
جدادن اگ باشون گل سینم اوسته
قویاق بیر یوز یوزه الآن حسینیم
..
..
..
..
گلور داش هر طرفدن ظلم الیله
بیری دگسه بو بیمار و علیله
دونر سجّادیمون گوزیاشی سیله
امام عصر اولار گریان حسینیم
..
..
..
..
سن ئولدون اللریم ائلدن چخیلدی
اسیر اولدوم ائویم قارداش یخیلدی
یارالی قوش کیمی قلبیم سخیلدی
جلالیم عزّتیم تالان حسینیم
..
..
..
..
اوخی قرآن ائدوم محملده تفسیر
دانیش تا من دیوم تأییده تکبیر
بیزه آد قویماسون بو اهل تزویر
سچیلسین کفریله ایمان حسینیم
..
..
..
..
قالان گل پیکری عریان حسین وای
کول اوسته خولیه مهمان حسین وای
عیالی چولده سرگردان حسین وای
قویان عاشقلری حیران حسینیم
..
..
..
..
ایراق اولسون آنام زهرا گوزوندن
سیلن یوخ اوغلینون قانی یوزوندن
بو احوالی خبر آلام اوزوندن
نیه آننوندان آخدی قان حسینیم
..
..
..
..
«کریمی» نسبتم زوّار کوفه
وئرر قلبیمده کی عشقیم شکوفه
عزادارم بو سلطان رئوفه
ائدر هر دردیمه درمان حسینیم
..
..
..
..
«کریمی» شاعرم طبعیم رواندی
اوزوم پیر اولموشام روحیم جواندی
حسین آدی منه تاب و تواندی
دیلیمده ورد و ذکریم جان حسینیم
..
..
#کوفه #کریمی_مراغه_ای #ترکی #زبدةالاشعار