در فراق و عزای نوکرِ حسینی ، #منصوری اردبیلی
.
✍️ زبدة الاشعار ✍️
?: @nohe_torki
.
حاج علی پور علی (جاهد)
.
اورک لر دوندی داغ محنتوندن قانه منصوری
حسینی لر توکوللر گوزیاشین دامانه منصوری
.
کی بیرداغ جگر سوز اولدی احبابه خبرگلدی
حسینون بولبولی ئولدی گلون افغانه ،منصوری
.
بیر عمرعندلیب اولدون حسینه امتیاز آلدون
طواف شمعینه اولدون یانان پروانه منصوری
.
محرمده قرا گیدون حسینه باغلادون احرام
عزا بزمینده گوزیاشیون دولاندی قانه منصوری
.
نمازه تا وضو آلدون آچوب پرطایر روحون
بو حال عشقیده مهمان گئدوب جانانه منصوری
.
اگر کی میهمان گئتدون حسینه سرفراز اولدون
ولی عاشقلرون یاندی غم هجرانه منصوری
.
مدال عشق مولانی سینونده یاخشی حفظ ائتدون
بحق کی خادمیدون مکتب قرآنه منصوری
.
سرابین الغدیرینده سنه بزم عزا قوردوق
کی یعنی عشقیمز بیردی شه عطشانه منصوری
.
سراب و اردبیل «جاهد » میانه ، تبریز و زنجان
سراسر ملت ایران حسینون عشقینه قربان
.
#ختم_خوانی
#عزای_نوکر_حسینی
#اورک_لر_دوندی_داغ_محنتوندن_قانه_منصوری
#جاهد
#ترکی
.
✍️ #زبدةالاشعار ✍️
?: @nohe_torki
نظر دهید