دنیا نه بی وفاسن کانون ابتلاسن #فاطمیه_سیفی_اردبیلی

زبانحال مولا علی علیه السلام درملامت دنیا
و شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
سیفی اردبیلی
.
دنیا نه بی وفاسن کانون ابتلاسن
هر ظلم ایدندن آرتوق سن ظلمه آشناسن
دنیا نه بی وفاسن
.
.
وردون یارا دلمیدن یوخدور دوتان المیدن
ایتدون منی خجالت گلزاریدن گلومدن
دنیا نه بی وفاسن
.
.
من گورموشم الوندن طوفانی اوز ائویمده
خطّابون اوغلی سالمیش طغیانی اوز ائویمده
یاندی قاپوم اوتوردوم پنهانی اوز ائویمده
ئولدوردی ظلم ثانی زهرانی اوز ائویمده
دنیا نه بی وفاسن
.
.
دنیا قیت یولوندان بوغملی یول نه یولدی
ظلم آتشی فروزان هر یرده سندن اولدی
ثانی ستملریندن قلبیم اودیلا دولدی
غم یخدی باغبانی گللر چیچکده سولدی
دنیا نه بی وفاسن
.
.
چوخ ظلم و ناروالر سندن روا گوروندی
چوخ سینه لرخدنگ بیدادیلن بؤلوندی
زهرا یخلدی اوددان قالخانمادی سوروندی
باخدوم یانان قاپوم تک قلبیم آلوؤ بوروندی
دنیانه بی وفاسن
.
.
ساتدون علینی دنیا اشرار بت پرسته
سالدون مرید حقّی دست خطای مسته
زهرا گیدوب الیمدن قلبیم اولوب شکسته
گزلین گلوب دولانّام گزلین مزاری اوسته
دنیانه بی وفاسن
.
.
.
#فاطمیه_سیفی_اردبیلی
#فاطمیه_شهادت
#دنیا_نه_بی_وفاسن_کانون_ابتلاسن
#ترکی
.
✍️ #زبدةالاشعار ✍️
.
🆔: @nohe_torki