خرابه شام
زبانحال حضرت زینب (س) در شهادت حضرت رقیه (س) و کوچ از شام
.
.
#سبک_علی_جان_بالا_لبیک
پخش‌کننده صوت
.
.
مرحوم نجمی تبریزی
.
.
اولان مدفنی کنج خرابه بالام ایوای
قویان صورت زردین ترابه بالام ایوای
.
.
سنق نی کیمی دائم گلن داد و نوایه
ویرن عمه سی تک دل هامی درد و بلایه
آز عمریله تحمل ایدن چوخلی جفایه
دوزن کینۀ اهل عذابه بالام ایوای
.
.
ایکی گوزلری هر دم توکن اشک مصیبت
من زار و حزینه حسینیمدن امانت
جفا اهلینه باشدان اولان معجری غارت
ووران تللری طعنه نقابه بالام ایوای
.
.
اولان صرصر غمدن قزل گول کیمی خندان
ایدن گول تک ایاقین یارا خار مغیلان
ویرن جان قوری یرده گوزی یولدا پریشان
ایکی قوللاری باغلی طنابه بالام ایوای
.
.
ایدن قمچی زجر و سنان جسمینی نیلی
کبود عارض آلین ایدن ضربت سیلی
دوزوب صبر ایلماقدا آنام مثل و عدیلی
گیدن بزم قمار و شرابه بالام ایوای
.
.
بو شاماتیده بیر گون قالان خوش گونه محتاج
اولان سینه سی تیر غم و محنته آماج
یاتان گوشۀ ویرانه ده چوخ گجه لر آج
دُؤنن بارش اشکی سحابه بالام ایوای
.
.
اولان کاسۀ قلبی قزل قانیله لبریز
گلن هر گجه شوره چو شوریدۀ شبخیز
آتاسی کیمی مدفون اولان جسمی کفن سیز
کفن کوینگی قبری خرابه بالام ایوای
.
.
دل زارینه هر گون دگن تیر شماتت
ایدن غصّه گوزینده ایشیق گوندوزی ظلمت
یانار اوتدا وجودین یاخان آتش حسرت
یارالی دلی بنزر کبابه بالام ایوای
.
.
دوزوب بیرق نصرت ووران سر حد صبره
سرشک تری گوزده دؤنن بارش ابره
اورک دردینی دلده چکن خانۀ قبره
غمی گلمیین اصلا حسابه بالام ایوای
.
.
دوتان خانۀ گوگلون مصیبت توزی لایلای
دیین گه عموم ایوای گهی وای آتام ایوای
یاتوب گه یوخوسوندا دیین اصغره لایلای
سالان غم اودی قلب ربابه بالام ایوای
.
.
پوزان نجمی نی دلدن غم و غصّه و دردی
سولان بیر گوله بنزر سولان عارض زردی
چکن گرم نفسلر غمیله دل سردی
گوزل اسمیله زینت کتابه بالام ایوای
.
.
#حضرت_رقیه #نجمی_تبریزی #حضرت_رقیه_شهادت #ترکی #کوچ_شام #زبدةالاشعار
زبدة الاشعار 
نظر دهید