اولدی عدالتون اگر قتلیوه علت ای بابا #حیدریه_خوندل_تبریزی

زبان حال حضرت زینب (س)
در شهادت حضرت علی (ع)
.
.
مرحوم خوندل تبریزی
.
.
اولدی عدالتون اگر قتلیوه علت ای بابا
آچدی او علتون سنه راه شهادت ای بابا
.
.
سن او امامیدون که قان قلبوی امت ایتدیلر
دانش محضی ترک ایدوب جهله حمایت ایتدیلر
یعنی گیدوب خلیفۀ ناحقه بیعت ایتدیلر
ظلم جهانه رهگشا اولدی او بیعت ای بابا
.
.
سن او امامیدون سنی ایتدی شهید عدالتون
گسترش عدالته اولمادی صبری امتون
رکن هدانی منهدم ایتدی سنون شهادتون
ضربت مهلک اولدی چون دینه او ضربت ای بابا
.
.
سن او امامیدون که قان ایتدیله قلب پاکیوی
راه نجات عاقبت بولدون اوزون هلاکیوی
آچسالا هر گورن بولر گر دل چاک چاکیوی
فزت و رب کعبه دن واردی حکایت ای بابا
.
.
زادۀ ملجم ای بابا کفرینی ایتدی آشکار
صبح زمانی سجده ده فرصت ایدوب او نابکار
فرق امام عادلی ظلمیله ایتدی زخمدار
آخدی بویاندى قانیله قرمزی تربت ای بابا
.
.
سن او امامیدون دیدی حقیوی غصب ایدن دنی
یا علی گیت مسیجده ترک ائله بو مدینه نی
گاه بولوبدی مصلحت خانه نشین ایدوب سنی
جاهل محض عالمه ایتدی حکومت ای بابا
.
.
سن او عزیزیدون بابا ایتدیله خوار عزیزوی
ابر بهاره دوندروب دیده اشگ ریزوی
کاش گوروم هلاک اولا امت بی تمیزوی
آنلامادی حریمیوه ایتدی جسارت ای بابا
.
.
سن امامیدون بابام امرایلدی ابوذره
هر طرفه اگر گیده عالمین اهلی یکسره
سن طرف علینی دوت گیت اوگیدنده هریره
چون که علیدی مرکز حق و حقیقت ای بابا
.
.
سن او امام عدلیدون هیکل داد و معدلت
حیف اولا اهل جامعه ظالمی ایتدی تقویت
سهلدی بو مقامیوه اولمادی درک و معرفت
درگه وحیی یاندیروب اهل ظلالت ای بابا
.
.
سن او امامیدون بابا بولمدیلر مقامیوی
ویرمدیلر سلام اگر پوزدولار احترامیوی
آه او سهلدور سنون آلمادیلار سلامیوی
خوار اولا واردی تا جهان بیر بیله امّت ای بابا
.
.
سن او امام حقّیدون حقّیوی آلدى دشمنون
ویرمدی بیر وفا نشان اهلی سنه مدینه نون
ظلمیله غصب اولوب فدک دوندی خزانه گلشنون
سولدی سارالدى عترت ختم رسالت ای بابا
.
.
#حیدریه #خوندل_تبریزی #حیدریه_شهادت #ترکی #زبدةالاشعار