اولدی ویرانه یری مدفنیم ای داد منیم #حضرت_رقیه_صدری_اردبیلی

زبانحال حضرت رقیه در خرابه
.
✍️ #زبدةالاشعار ✍️
.
🆔: @nohe_torki
.
.
مرحوم صدری اردبیلی
.
.
اولدی ویرانه یری مدفنیم ای داد منیم
نسگلیم قالدی اورکده منیم ای داد منیم
.
.
هیچ کیمون گلمدی رحمی منه ای وای منه
بیر دییه شمره قالوب حسرت او بلبل چمنه
قولارین باغلاما أوچ سنّیده قیتر وطنه
نسگلیم قالدی اورکده منیم ای داد منیم
.
.
ئولورم ئولمگیمه یانمارام الله بیلور
یانورام بو غمه که فکریمه هر لحظه گلور
من ئولندن صورا یردن منی کیملر گوتورور
نسگلیم قالدی اورکده منیم ای داد منیم
.
.
راضیم ئولمگیمه ظلم و جفادن قوتارام
توش ایده جام اجل شمر دغادن قوتارام
خیلی مشکلدو قالام زنده بلادن قوتارام
نسگلیم قالدی اورکده منیم ای داد منیم
.
.
هارد گورمشدیم الهی توز و توپراقه باتام
آج سوسوز قولّاری باغلو قوری یرلرده یاتام
من یاتان وقته منی آلمیا آغوشه آتام
نسگلیم قالدی اورکده منیم ای داد منیم
.
.
ماویه اوغلنون الله ایوی ویرانه اولا
ظلمله یخدی پیمبر ایوین اول شمر دغا
من هارا غربت هارا گوشۀ ویرانه هارا
نسگلیم قالدی اورکده منیم ای داد منیم
.
.
من دیردوم منه بو قوم جفا رحم ایلیور
باغلاماز قولّاریمی شمر دغا رحم ایلیور
یاتمارام آج سوسوز شامده تا رحم ایلیور
نسگلیم قالدی اورکده منیم ای داد منیم
.
.
نچه مدّتدی منیم قولّاریمی باغلو قویوب
معجریم الدن آلوب رخت و لباسیمی سویوب
گورمدوم بیر دییه لر شمر جفاسینه دویوب
نسگلیم قالدی اورکده منیم ای داد منیم
.
.
یتیشوب سینمه جانیم گینه آچماز قولومی
قالمیوب تاب و توانیم گینه آچماز قولومی
اولدی ویرانه مکانیم گینه آچماز قولومی
نسگلیم قالدی اورکده منیم ای داد منیم
.
.
اوچ یاشیندا قز اوشاقی اوزی پروردۂ ناز
جدّی پیغمبر خاتم آتاسی شاه حجاز
صدریا قولّاری باغلو ایلیر سوز و گداز
نسگلیم قالدی اورکده منیم ای داد منیم
.
.
.
.
.
#حضرت_رقیه_صدری_اردبیلی
#حضرت_رقیه_شهادت
#اولدی_ویرانه_یری_مدفنیم_ای_داد_منیم
#ترکی
.
✍️ #زبدةالاشعار ✍️
.
🆔: @nohe_torki