اولموشام ظاهرده گر آزاد اسارتدن حسین #اربعین_فقیر_خویی

اربعین
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم …
.
فقیر خویی
.
اولموشام ظاهرده گر آزاد اسارتدن حسین
ئولموینجه اولمارام راحت مصیبتدن حسین
.
.
آغلارام بو مابقی عمرونده قارداش روز و شب
سو کنارینده سنی اؤلدوردی دشمن تشنه لب
یدّی قارداش داغی گوردی اؤلمه دی زینب عجب
اولمادی داده گلن مین لر جماعتدن حسین
.
.
اصغرین قانی ایکی دنیایه وئردی آبرو
تشنه لب اوخلاندی اما ایچمه دی بیر جرعه سو
نهر علقم ایلدی اصغر سو ایچسین، آرزو
عرشیان مات اولدی بو رمز شهادتدن حسین
.
درد دل قالسون هله چون لحظه دیداردور
آلتی گوشه قبریوه بو قیزلارون زوّاردور
بارگاهین جنته فخر ایلین درباردور
کعبه حیراندور بله اکسیر تربتدن حسین
.
.
کوچ ایدنده ظاهراً اولدوم اسیر اهریمنه
باطناً آنذاولسون عباسه اسیر اولدوم سنه
من دئدیم ایوای حسین، قمچی ویروب دشمن منه
چوخ سوزوم واردی سنه بیربیر جراحتدن حسین
.
.
بو قرالردن صورا بیر آیری جامه بیچمرم
شمردن محشرده سن گیچسن ولی من گیچمرم
سن سوسوز اؤلدون سرین سو تا قیامت ایچمرم
عالمه فخر ایلرم من بیله خدمتدن حسین
.
.
حشره تک ای باوفا قارداش سنه قان آغلارام
قتلگهده اودلانان قلبی غمینده اودلارام
کوینگون اللردن آلدوم، گوزلریمده ساخلارام
عطریوی آلّام اؤلونجه بو امانتدن حسین
.
.
#اربعین_فقیر_خویی
#اولموشام_ظاهرده_گر_آزاد_اسارتدن_حسین
#ترکی
.
✍️ #زبدةالاشعار ✍️
.
🆔: @nohe_torki