دفن شهدا – سوال و جواب
گفتگوی حضرت امام سجاد با حضرت اباعبدالله الحسین (ع)
.
✍️ زبدة الاشعار ✍️
?: @nohe_torki
.
مرحوم سید حسین کهنمویی (ریاضی)
.
✔️ جواب حضرت اباعبدالله الحسین علیه السلام
اونداکی دفن ایتدی اجسادی علی بن الحسین
گوردی گویا اوز آتاسی سسلنور ای نورعین
.
.
شاه بیت :
کربلا قربانلارین دفن ایلدون سجاد اوغول
دورما گیت گوزلور یولون عَمَّه ن ایوین آباد اوغول
.
قویما حسرت اللرین بو نوع حیران قوینووا
دورما گئت قویما سرشکین گرد غم یوزدن یووا
کوفه زندانینده زنجیری اوزون سال بوینووا
سنده تسلیم قضا اول من کیمی ناشاد اوغول
.
تاپموشام آب حیاتی بادۀ خنجرده من
طوق عزّت بُل اوغول بوینونداکی زنجیری سن
آل هاشم قولّاریندا بند وحدتدور رَسَن
ایلیوب اهل حقیقت اتحاد ایجاد اوغول
.
اولدی بو منظوریله برپا بساط کربلا
عالمه تبلیغ اولونسون عین احکام خدا
مالک اولسون حقّینه دنیاده هر شاه و گدا
هربیری غاصبدی ایتسون حقّین استرداد اوغول
.
دینی احیا ایلدیم تا خلقه دین درسین دیَم
تابع ظلم اولمیام ذلّت لباسین گیمیَم
من اوزیمده مکتب قران و دین شاگردیَم
اولدی پیغمبر، علی بو مکتبه استاد اوغول
.
گیت اوغول مندن سلام ایله وفالی زینبه
ایلسون صبر و تحمل محنت روز و شبه
هر ایکوزعامل اولون تا وار نفس بو مطلبه
ایلیون هردورده گُمرَه لری ارشاد اوغول
.
سعی ایدیردی اهل باطل حق پدیدار اولماسون
بستر غفلتده یاتسون خلق بیدار اولماسون
ایستدی خلّاق عالم اهل دین خوار اولماسون
ایلدی قید اسارتدن سنی آزاد اوغول
.
امر ایدوب گیت کربلایه گور بلا غوغاسینی
قوی مزاره هر شهیدین چاک چاک اعضاسینی
اهل عشقه مدفن ایله کربلا صحراسینی
طالبان حق گورنده حقدن ایتسون یاد اوغول
.
کوفه دن گلدون بو یرده قبره قویدون سن منی
بیر یره جمع ایلدون اعضاء پاره پاره نی
دورما گیت چوخ انجیدون اللهه تاپشوردوم سنی
صبر ایله گلمه نوایه ایلمه فریاد اوغول
.
دی ربابه سن دیمه وای اصغریم من وای دیدیم
نیزه لر پاره ایدن نعشین گوروب ایوای دیدیم
من قوجاقیمده یاتورتدوم اوغلوما لایلای دیدیم
یاتدی راحت دور یری ایتمور فغان و داد اوغول
.
عمَّه وه دئ قتلگهده دیده گلموشدون منه
کوفیه وارد اولاندا بازدید ایتدوم سنه
قورتولاندا شامیدن گلسون بو پوزقون مدفنه
باجی قارداش بزم خلوتده اوتورّوق شاد اوغول
.
دئ گوروم نعش ابوالفضلی نجه دفن ایلدون
بند بندیندن اوزولموشدی عمون ، دفن ایلدون
من خیامه حمل ایدنموردوم اوغول سن نیلدون
یاتدی خوردا قبریده یوخسا قد شمشاد اوغول
.
#کهنموئی گوستروب یول خالق اکبر سنه
اولماسا تقوا ثمر وئرمز بو اشک تر سنه
مایۀ کسب شرفدور خامه و دفتر سنه
سربلند ایلر سنی عقباده بو استاد اوغول
.
✔️ زبانحال امام سجاد علیه السلام
#کربلایه_کوفه_دن_گلدی_علی_ابن_الحسین
#کوفه_زندانینده_عمم_قالدی_من_گلدیم_بابا
.
#سبک_زینبم_جان_اوستیم
.
#دفن_شهدا
#اوندا_کی_دفن_ایتدی_اجسادی_علی_بن_الحسین
#کربلا_قربانلارین_دفن_ایلدون_سجاد_اوغول
#ریاضی_تبریزی
#کهنمویی
#ترکی
.
✍️ #زبدةالاشعار ✍️
?: @nohe_torki
نظر دهید