خبر آوردن بشیر از ورود اهل بیت به مدینه
.
#زبدةالاشعار
.
: @nohe_torki
.
مرحوم دخیل
.
.
اوّل ایدوب مدینۀ اسلامه بیر سلام
شهره گیروب نه گوردی توتوب شهرى ازدحام
.
هر گیم گلور یتنده دوشور ال ایاقینه
دیرناقینی ئوپور آتینون ایلور احترام
.
بیر کیمسه سوز سوروشماقا جرأت ایدنموری
حیران توکولَّه یوزه لره اشگ عقیق فام
.
.
آخر بیری بشیری او حالیله چون گوروب
داشدی توکولدی بس که دولوب باد ئیله جام
.
ئوپدی الین آیاقینی عرض ائتدی مَالخَبَر
وئردی جواب تَسمَعُ فِی المَسجِدِ الحَرام
.
سوردی آتینی سمت مزار پیمبره
وئردی سلام روضه قاپوسین ایدوب مقام
.
گوردی او شور و وحشتی مبهوت اولوب بشیر
بیر آز دوروب دانیشمادی بیر حرف لا کلام
.
نطقه گلوب بیر آه چکوب ایلیوب خطاب
ای ساکنان حوزۀ شهر شه انام
.
آرامیله بو شهرده آرام اوتورمیون
دیوانه لر کیمی توکولون چوللره تمام
.
ئولدوردیلر حسینی باتوب قانه پیکری
عریان قالوبدی اوچ گجه گوندوز على الدّوام
.
باشی گچوب جدایه ، عیالی اولوب اسیر
مال و منالی غارت اولوب اودلانوب خیام
.
ملک حجاز امیرلرین مشکله سالوب
جُهّال بصره قوم رذیل عراق و شام
.
چکسونله بو مصیبتی سادات هاشمی
کُفّار شام ، امام لرین ایلَسون غلام
.
خاصان کبریانی چکوب کبریله یزید
بیر مجلسه که اوردا اولوب جمع خاص و عام
.
نسل حرامه پردۀ عصمتده یر وئروب
اصل حلاله حرمت و عزّت اولوب حرام
.
.
#ورود_مدینه_دخیل
#اول_ایدوب_مدینه_اسلامه_بیر_سلام
#ترکی
.
#زبدةالاشعار
.
: @nohe_torki
نظر دهید